Back Bronstydperk Afrikaans Bronzezeit ALS ናስ ዘመን Amharic Edat de Bronce AN कांस्य युग ANP العصر البرونزي Arabic عصر برونزى ARZ ব্ৰঞ্জ যুগ Assamese Edá del bronce AST Tunc dövrü Azerbaijani
Lo Temps, Edat o Atge dau Bronze (var. del, deu, deth, etc.)[1] es un periòde istoric que succediguèt au Temps de la Pèira entre lei millenaris IV e II avC dins una region anant de la Peninsula Iberica ais illas de Japon en passant per Egipte, Mesopotamia, Pèrsia e Índia. Es caracterizat per lo desvolopament de la metallurgia qu'entraïna un renforçament de l'especializacion sociala (aparicion de l'artesanat, etc.), una intensificacion dau comèrci internacionau (encaminament dei mineraus, dei metaus, etc.) e una aumencion deis activitats guerrieras (fortificacions, formacion d'armadas, etc.).
Lo Temps dau Bronze veguèt l'emergéncia de plusors Estats e civilizacions anticas dins de regions coma Mesopotamia, Egipte, Anatolia, Grècia e China. S'acabèt a partir de la fin dau millenari II avC amb la generalizacion progressiva de la metallurgia dau fèrre. Se fau nòtar que certanei regions, especialament en Africa, passèron dirèctament dau Temps de la Pèira au Temps dau Fèrre. Tanben, lei civilizacions mesoamericanas e andinas agantèron de nivèus importants d'especializacion sociala sensa aver lo mestritge de la metallurgia. L'aspècte scientific dau tèrme Temps dau Bronze foguèt ansin contestat e es pas ò pauc utilizat dins certanei regions dau monde.