Gasconha

Gasconha

Gasconha (oc)
Administracion
Capitala	Lo Mont, Aush
Geografia
44° 00′ N, 0° 30′ O

Gasconha (AFI: (occ.) [gasˈkuɲə] ^ⓘ, (or.) [gasˈkuɲo̞] ^ⓘ) qu'ei una region istoria deu sud-oèst d'Occitània, partegada enter França e Espanha, situada a l'oèst per l'ocean Atlantic ─comunament nomenat mar Grana─, au sud per Aragon, Bascoat e Catalonha, au nòrd per Guiana e a l'èst per Lengadòc. Gasconha qu'ei un vaste territòri delimitat per Garona e l'ocean Atlantic d'oèst en èst, per l'estuari de Gironda au nòrd atau com per la cadena deus Pirenèus formant lo limit meridionau dab la peninsula Iberica.

Gasconha qu'ei un toponim gessit deu latin tardiu Gasconia, Wasconia qu'ei citat d'en primèr còp peus Visigòts per referir-se a l'antic pòble deus Vascons ─aujòus deus Gascons e deus Bascs actuaus. Durant la Hauta Edat Mejana, qu'estó un reiaume germanic qu'englobava dab d'autas províncias de Mieidia. Mentre que lo Ducat de Gasconha e s’aprima a partir de 1032 entà desaparéisher com entitat politica, una identitat culturau gascona que subsisteish a truvèrs lo Regim Ancian e dinc aus nòstes dias. Dens la particion administrativa actuau, Gasconha que se tròba dividida entre las regions de Nòva Aquitània e d’Occitània, e las comunautats autonòmas de Bascoat, Catalonha e Navarra. Los caplòcs istorics de Gasconha que son Lo Mont e Aush.