Back ميتشيل فوجاين ARZ Michel Fugain German Michel Fugain English Michel Fugain Spanish Michel Fugain French מישל פוגאן HE Michel Fugain Hungarian Michel Fugain Italian Michel Fugain Dutch Michel Fugain Portuguese
Michel Fugain, nascut lo 12 de mai de 1942 dins lo Daufinat arpitan a Grenòble (França), es un cantaire e compositor francés.
Es lo filh del mètge e resistent Pierre Fugain. Passionat pel cinèma de la Nouvelle Vague francesa, abandona sos estudis de medecina per venir cineasta a París. A partir de 1963, ven assistent realizator de Jean-Michel Barjol, Guy Blanc, Yves Robert o encara Jean Delannoy, puèi seguís los corses d'art dramatic de Yves Furet. Encontra a n'aquela escasença lo cantaire francés (d'origina occitana per son paire) Michel Sardou, per qui compausa las primièras cançons.
En 1965, Michel Fugain signa un contracte en çò de Barclay e escriu cançons per Hugues Aufray e Dalida.
Michel Fugain sortís alavetz sas pròpias cançons, en particular Je n'aurai pas le temps (amb paraulas escrichas per Pierre Delanoë) e obten amb aqueste tròç una primièra gròssa capitada en 1967.
En 1971, en plena periòde hippie, Michel Fugain fonda dins aquel esperit lo grop "lo Big Bazar". Michel Fugain et le Big Bazar an alavetz un succès fòrça important en França pendent cinc ans (fins a 1976) amb las cançons Attention mesdames et messieurs, Fais comme l’oiseau, Chante… comme si tu devais mourir demain, La Fête, Bravo Monsieur le monde, Les Acadiens, Le Printemps, e mai que mai amb Une belle histoire, que demòra encara a l'ora d'ara benlèu sa cançon la mai coneguda.