Back Platoo vo Lannemezan BAR Plateau de Lannemezan CEB Plateau von Lannemezan German Plateau de Lannemezan English Meseta de Lannemezan Spanish Lannemezango goi-ordokia Basque Plateau de Lannemezan French ლანმეზანის პლატო Georgian Plateau van Lannemezan Dutch 拉讷默藏高原 Chinese
Eth Plan de Lanamesa (o localament Platèu de Lanamesa), en Gasconha, que's situa ath pè deths Pirenèus en nòrd-èst deth departament deths Hauts Pirenèus en limit dera Nauta Garona. Qu'a ua altitud mejana de 510 m. Era sua populacion qu'ei de cap a 10 000 estatjants.
Que pòrta eth nom de Lanamesa (o Era Lanamesa, o Lanamedan [1]) per'mor era vila omonima que's situa quasi ath son center. Qu'ei era hònt deths arrius de Gers, de Sava, de Gimona, de Baïsa, d'Arrats, de Loja, de Toish, tots afluents de Garona, e de Boés (?) afluent deth bacin d'Ador.
Popularament, eths abitants deth parçan que l'apèran simplament eth Platèu per auposicion ara Valea, de qui designa era vath d'Aura, e aths Costalats mes entà capvath de cap ath Manhoac.
- ↑ Patrici Pojada, Répertòri toponimic de las Comunas de la Region Miègjorn-Pirenèus, ed. Loubatières, Portèth de Garona, 2009, p.