Robert Miles

Roberto Concina, dich Robert Miles, èra un discjòquei e un compositor italian de musica electronica, nascut lo 3 de novembre de 1969 a Fleurier (Soïssa) e mòrt lo 9 de mai de 2017 a Eivissa (Espanha).

La capitada fenomenala en Euròpa (e quitament aus Estats Units) de son simple Children en 1996 (enregistrat en 1995) a contribuït aquesta annada de 1996 a promòure lo genre electro dich dream (sòmi), vist que lo quite nom del dich genre poiriá venir de Dreamland (país de sòmi), lo nom de l'album de Robert Miles que conten lo tèma Children.