Tanganyika Britanic

Tanganyika Britanic
1919–1961
[[Fichièr:|bordadura|120x90px]] [[Fichièr:|75px]] Bandièra
Capitala	Dar es Salaam
Govèrn	Monarquia constitucionala
Superfícia
•	942 433

Lo Tanganyka britanic foguèt un territòri administrat pel Reialme Unit dempuèi 1916 fins 1961. Lo Reialme Unit administrèt lo territòri en tot lo conquistar amb la Royal Navy e l'nfantariá indó britanica als alemands en l'an 1916^[1]. Dempuèi lo 20 de julhèt de 1922 se creèt en Tanganyka una administracion britanica jos mandat de la Liga de Nacions. Dempuèi 1946 foguèt administrat pel Reialme Unit coma un territòri de Nacions Unidas.

Abans la fin de la Primièra Guèrra Mondiala lo territòri èra una partida de la colonia alemanda de l'Africa Orientala Alemanda. Tre la declaracion de guèrra, los britanics conquistèron l'Africa de l'Èst alemanda mas poguèron pas véncer l'armada alemanda. Paul von Lettow-Vorbeck, tanben conegut coma lo Lion d'Africa, e cap de l'armada alemanda, volguèt pas laissar las armas fins que foguèt notificat pels quites britanics de l'Armistici d'11 de novembre de 1918, que finissiá la guèrra. Puèi, la Liga de Nacions balhèt lo contraròtle de l'airal al Reialme Unit e la partida mai anciana del territòri alemand foguèt nomentada coma Tanganyka.

Lo Reialme Unit aguèt lo contraròtle de Tanganyka jos mandat de la Liga de Nacions fins la fin de la Segonda Guèrra Mondiala. Après, foguèt administrat coma un territòri de Nacions Unidas. En 1961 Tanganyka ganhèt l'independéncia del Reialme Unit coma lo Reialme de Tanganyka, alavetz dins la Commonwealth. Un an après foguèt declarada la republica mas demorèt dins aquela organizacion politica. Tanganyka fa partida uèi del modèrn estat de Tanzania.

1. ↑ 7 Julhèt 1916 - Tanga conquistada per la Royal Navy e l'Infantariá Indiana - The Great War in Africa Association: Great War in East Africa – Cronologia e articles