Say Wikipedia et sakey ya encyclopedia ed internet ya akasulat ya anggapoy bayad tan susuportaan na saray boluntaryo, ya atawag ya Wikipedians, panamegley na open collaboration tan say pangusar ed wiki-based editing system ya MediaWiki. Say Wikipedia so sankabalgan tan sankakabasaan a reperensya ed awaran.[1][2] Sayan website et sakey ed saray samploran sankapopularan ya website ed mundo, tan nen 2024 et say Semrush so angipasen ed sayan website bilang say kumalima ya sankabisitan ya website ed Internet.[3] Inletneg nen Jimmy Wales tan Larry Sanger nen Enero 15, 2001, say Wikipedia so inasikaso na Wikimedia Foundation, sakey ya American non-profit ya organisasyon ya walay empleyado ton masulok ya 700 a totoo.[4]