Los Angeles, California

Ing Los Angeles (IPA: /lɑˈsændʒələs/;or Los Ángeles/los ˈanxeles/ keng Espanyol) iya ing pekamaragul diling lakanbalen ning state ning California at pangaduang pekamaragul dili king United States.^[1] Keraklan kukuyaran deng L.A., iti makarangku yang bilang alpha yatung lakanbalen, a atin populasyun a 3.8 yuta^[2] ampong atin lualas a maiggit a 469.1 milya kudradu (1,214.9 kilometru kudaradu) king Mauling California. Karagdagan na pa niti, ing Kearagulang Los Angeles metropolitan a lugal, iti ing tuknangan da reng mga 12.9 yuta^[3] tau nung nu menibat la kareng aliwaliwang suluk ning yatu ampong magsalita lang maiggit a 224 a aliwliwang amanu. Ing Los Angeles iya ing tungku ning Los Angeles County, ing pekamarakal diling populasyun ampong samutsamut a county^[4] king United States. Deng pakatuknang kebaluan la naman bilang "Angelenos" (IPA: /ændʒəˈlinoʊz/).

Ing Los Angeles mitatag ya inyang 1781, a tetag ning Kastilang gobernador Felipe de Neve bilang El Pueblo de Nuestra Señora la Reina de los Ángeles de Porciúncula (The Village of Our Lady, the Queen of the Angels of Porciúncula). meging dake ning Mexico inyang 1821, kaibat ning pangtimawa na ibat keng Espanya. Inyang 1848, king wakas ning Mexican-American Pamipamuk, ing Los Angeles ampong California mesali la bilang dake na ning Pikasundung Guadalupe Hidalgo, inya meging yang dake ning United States; ing Mexico mitagan ya kaya ing territoryu ning Baja California.Meincorporated ya ing balen inyang Abril 4 1850 — limang bulan bayu ya meging state ing California.