Donald Trump

Donald Trump
Di 47° Presidente di Merka
Término di ofisina 20 di yanüari 2025–
Vise-presidente	J.D. Vance
Antesesor	Joe Biden
Di 45° Presidente di Merka
Término di ofisina 20 di yanüari 2017–20 di yanüari 2021
Vise-presidente	Mike Pence
Antesesor	Barack Obama
Susesor	Joe Biden
Informashon personal
Nasementu	14 di yüni 1946 Jamaica Hospital Medical Center
Pais	Estadonan Uni di Amérika
Pareha	Melania Knauss
Famia
Yu(nan)	Donald Jr. Ivanka Eric Tiffany Barron
Informashon profeshonal
Ofishi	empresario, personalidat di televishon, polítiko
Partido polítiko	Partido Republikano (1987-1999; 2009-presente)
Firma
Imágennan riba Wikimedia Commons
Wèpsait ofisial
[Editá Wikidata] · [Manual]

Donald John Trump (☆ 14 di yüni 1946 na Queens, New York) ta un empresario, polítiko merikano i miembro konservativo di Partido Republikano. E ta e di 47° Presidente di Merka for di 20 di yanüari 2025.

Anteriormente, el a fungi komo e di 45° presidente di Merka, for di 20 di yanüari 2017 te ku 20 di yanüari 2021 i susesor di Barack Obama. Na 2020 el a bira e promé presidente ku no a gana reelekshon inmediato for di presidente George H. W. Bush na 1992, despues di a pèrdè e elekshon presidensial di 2020 kontra Joe Biden. Sinembargo, Trump a sigui dominá e Partido Republikano i kuater aña despues a keda postulá komo nan kandidato atrobe den e elekshon presidensial. Na yüli 2024, el a sobrebibí un atentado kontra su bida na un manifestashon di kampaña na Pennsylvania.^[1] Dia 6 di novèmber e ta gana e elekshon presidensial 2024, derotando Kamala Harris.^[2][3] El a bira e promé presidente pa gana un di dos periodo no-konsekutivo desde Grover Cleveland ku a gana na 1892. Trump ta e promé persona ku a sirbi komo presidente den historia di Merka ku a wòrdu kondená pa un delito dor di e sistema hudisial.^[4]

Trump ta konosí komo empresario di sektor di biennan imóbil i komo personalidat di televishon. Antes di su presidensia na 2017 e nunka a eherse un funshon polítiko.