| Pais | Aruba  |
|---|
Status aparte di Aruba ta referi na e status special di Aruba como isla autonomo dentro di Reino Hulandes entre 1986 y 2010. Riba prome di januari 1986 Reino Hulandes un biaha mas ta consisti di tres pais, esta Hulanda, Antias Hulandes y Aruba. Den e aña ey, Aruba a sali for di e constelacion Antiano, door di cual Aruba a bira e di tres pais den Reino. Cu e status aparte, Aruba tin su propio representacion di pueblo, Parlamento di Aruba y su propio gobernador. Parlamento tin su presidente. Gobierno di Aruba ta consisti di ministronan y gobernador.
Desde e disolucion di Antia Hulandes e terminologia status aparte tambe ta wordo uza informalmente pa Corsou y Sint Maarten. Cu e structura constitutional nobo dentro di Reino e terminologia status aparte a keda oficialmente aboli na oktober 2010 como cu e status aki no ta special mas sino a bira e norma pa tur pais dentro di Reino Hulandes.[1]
- ↑ Notitie De Toekomst van het Koninkrijk, Ministerie van Binnenlandse Zaken en Koninkrijksrelaties, 15 juli 2011