Croniques (Froissart)

Ches Croniques à Jehan Froissart (1322/1400) sont des croniques médiévales écrites au XIV^e sièke in moéyin franchoés pèr Jean Froissart. Ch'est un récit in prose del Dgère d'Un Chint Ans. Ches Croniques s'ouvrette su ches événemints qui ont précédè el déposicion d'Édouard II in 1326 et couvrette l' période alant dusqu'à 1400, édseur ches événemints in Urope ed l'Ouest, princhipalemint in Ingueltière, in Franche, in Écosse, à chés Bos-Péis et dins l' Péninsule Ibérique, meume si ale parlette pus raremint d'autes péis et régions conme l'Italie, l'Alemanne, l'Irlinde, ches Balkans, Kipre, el Turkie et l'Afrique du Nord.

Dins ches Croniques, il y o prés d' 1,5 miyon d' mots et i sont parmi chés pus longs ouvraches écrits in prose francoèse à l' fin du Moyin Ache^[1]. Enguerrand éd Monstrelet a continué ches Croniques dusqu'in 1440, et Jean d' Wavrin in incorpore ène grande partie dins sin prope ouvrache.

Á ches XV^e et XVI^e sièke, ches Croniques ont té ertraduites in nirlindé, inglé, latin, épagnol, italien et danoé. Ch' teske des Croniques à Froissart est conservè dins pus d' 150 manuscrits, dont grandmint sont illustrés.

Avant d'écrire ches Croniques, Froissart a écrit ène cronique in vers pour el reine inglèse Flipa ed Hénau qu'i li a présintèe in 1361 o 1362. Ech teske éd chole preumier ouvrache historike, Froissart in parle dins ch' prologue ed ses Croniques. Il est pétète perdu mais des cacheus pinsette éq' un manuscrit du XIV^e sièke aveuc ène cronique in vers pourrait ète chole « cronique perdue » (Il y o des piots morcieus dins ches bibliotèques d' Paris et d' Berlin - "Stutzmann-2006").

1. ↑ Online Froissart, HRIOnline