Jean-Claude Risset

Jean-Claude Risset ch'est un compositeu de musike franchoés, né au 18 ed marche 1938 au Puy-in-Velay (Heute-Loére) pi l'est défuncté au 21 ed novimbe 2016 à Marseille.

Ch'est un pionnier éd l’informatike musicale. Risset il o contribué à l’introdukcion des ordinateus in Franche.

Il étôt à l’École normale supérieure eud la rue d'Ulm et pi il est agrégé d' fisike in 1961. Apré in 1967, Risset passe ène thése ed doctorat es syinches à l'Institut d'électronique fondamentale deul faculté des Syinches d'Orsay. In meume temps, i foait des études ed musike au Conservatoére national supérieur d' Paris : études d' piano aveuc Robert Trimaille pi Huguette Goullon, d’écrivure aveuc Suzanne Demarquez, pis d' composicion aveuc André Jolivet. Il o un prumier prix du concours d' piano deul UFAM in 1963.

D' 1975 à 1979, Jean-Claude Risset participe aveuc Pierre Boulez à la créachon éd l’IRCAM.