Back Еиду Америкатәи Аштатқәа Abkhazian Amirika Syarikat ACE Америкэ Штат Зэхэтхэр ADY Verenigde State van Amerika Afrikaans USA ALS የተባበሩት የአሜሪካ ግዛቶች Amharic Amilika AMI Estaus Unius AN Geanedan Ricu America ANG अमेरिका ANP
Die Verainischde Schdaade vun Ameriga (engl.: United States of America, korz USA), odda korz Verainischde Schdaade, monschmol aa eefach nur Ameriga (obwohl des aigendlisch de gonze Kondinend bezaischned, uff dem die USA liesche) sinn en Schdaad in Nordameriga. Die greeschd Schdadt vun de USA iss New York, die Haubdschdadt is Washington, D.C.. Midd ner Fläsch vun 9.826.675 km² sinn die USA des driddgreeschde Lond uff de Weld. Zamme midd ner Bevelkerungsozahl vun 317.238.626 henn se ä Bevelkerungsdischd vun 33 Oiwuhner/km² (2013) unn sinn domid des vierdgreeschde Lond.
Die USA beschdehe aus 50 Bunnesschdaade, vun der Fläsch her greeschde davunn iss Alasga midd ner Fläsch vun 1.717.854 km², vun der Oiwuhnerozahl her iss es Kalifornie midd 37.253.956 Oiwuhner.
Die Verainischde Schdaade sinn aus de 13 Kolonie in Ameriga hervorgange, wu sisch am 4. Juli 1776 vum Verainischde Keenigraisch unabhängisch erglärd henn. De 4. Juli iss hait aa de Nadsionalfaierdaag vun de Verainischde Schdaade.
Die USA henn koi Amdsschbrooch, awwa Englisch iss vorherrschend, Schboonisch iss vor allem im Siedweschde verbraided. Danewwe gibds Schbrooche vun de Indioner unn Oiwanderer. In de Verainischde Schdaade werd vor allem in de Bunnesschdaade Pennsylvania, Ohio unn Indiana Pennsilfaanisch Deitsch gebabbeld, en daitsche Dialeggd, der haubdsäschlisch uffs Pälzische uffbaud.