Graf hamiltonian

Ch'as consìdera un graf finì G.

Un senté an G ch'a conten tuti ij vértes ëd G as ciama senté hamiltonian.
Un sicl an G ch'a conten tuti ij vértes ëd G as ciama sicl hamiltonian.
Ël graf a l'é dit graf hamiltonian s'a l'ha un sicl hamiltonian.

Da la definission a-i ven dlongh che un graf hamiltonian a l'é tacà, ma as peul disse ëd pì, 'me ch'a fà vëdde ël teorema sì-dapress.

Teorema. Si G a l'é un graf hamiltonian e S a l'é un sot-ansem nen veuid dij vértes ëd G, antlora G-S a l'ha un nùmer ëd componente tacà nen pì grand ëd la cardinalità d'S.

Dimostrassion. A basta osservé che sòn a l'é vera pr'ij sicl.