Turin

Ròbe parej - S'a l'é dapress ch'a sërca dj'àutre ròbe con ës nòm-sì ma n'àutr sust, ch'a preuva a vardé 'cò Turin (omònim).

Turin
Stat:	Italia
Provincia:	Sità metropolitan-a ’d Turin
Nòm 'n italian:	Torino
Coordinà:	Latitudin: 45° 4′ 16.4′′ N Longitudin: 7° 41′ 6.3′′ E Mostra an sla carta
Autëssa:	240-360 m s.l.m.
Surfassa:	130 km²
Abitant:	890.529 (2015)
Comun dj'anviron:	Baudsé, Beinasch, Borghi, Colegn, Grujasch, Mapan, Moncalé, Ël Niclin, Orbassan, Ël Pin, Psè, Rìvole, San Mò, Ël Seto, La Venerìa.
CAP:	10121–10156
Prefiss tel.:	011
Còdes ÌSTAT:	001272
Còdes fiscal:	L219
Sant protetor:	San Gioann Batista
Festa dël borgh:	24 ëd giugn
Sit istitussional

Turin (IPA: [tyˈriŋ], Torino an italian, Turin an fransèis e an ossitan) a l'é na metròpoj ant l'ëstat italian con 902.137 abitant, capleugh dla sità metropolitan-a omònima e capital ëd Piemont. A l'é la quarta comun-a italian-a scond j'abitant dòp Roma, Milan e Nàpoli ma a l'é la tersa sità da la mira conòmica. Con l'àrea metropolitan-a a së spantia sna surfassa ëd 1.100 km² con 2.200.000 abitant (conforma a l'OCSE).

A l'é un fra ij pì amportant sènter universitari, colturaj, torìstich e sientìfich dël Pais.

A l'é na sità industrial mersì a soe meison viturìstiche. An dzorpì, a l'é sènter dl'edission, dla telecomunicassion, dël cine, dj'areclam, dla cusin-a, dl'architetura, dla progetassion e dlë spòrt.