Antica

L’antica (er: temp antic) furma in’epoca istorica che sa referescha a la regiun da la Mar Mediterrana e da l’Asia dal Vest e che tanscha da la fin da la preistorgia (mesadad dal quart millenni a.C.) fin il cumenzament dal temp medieval (entschatta dal 6avel tschientaner s.C.). ba Il cumenzament da l’antica marchescha il svilup da la scrittira e dals reginavels vegl orientals da l’Asia dal Vest – Mesopotamia (Sumer, Akkad, Babilonia, Mittani, Assiria), Planira auta iranaisa (Elam, Media, Persia), Levanta (Ugarit), Asia Minura/Anatolia (Imperi dals Hetits, Frigia, Lidia, Luvia) – e da l’Egipta.

L’antica va a fin cun la ruina da l’Imperi roman e da l’Imperi dals Sassanids durant la migraziun dals pievels e l’expansiun araba (declin da la Roma occidentala 476/480; mort da Justinian 565; destrucziun da l’Imperi dals Sassanids 651). En la perscrutaziun pli nova vegn il temp da transiziun tranter l’antica ed il temp medieval (da la fin dal terz fin l’entschatta dal 7avel tschientaner) resguardà sco atgna epoca entaifer l’antica (antica tardiva).^[1]

1. ↑ Quest artitgel da survista na cuntegna naginas annotaziuns en la versiun tudestga (che furma la basa per questa translaziun). Per infurmaziuns approfundantas veglian ins consultar l’apparat scientific dals suandants artitgels: de:Alter Orient, de:Altes Ägypten, de:Antike.