Lituania

Republica da la Lituania

Lietuvos Respublika (lituan)

Lingua uffiziala lituan
Chapitala Vilnius
Furma da stadi republica parlamentara
Furma da regenza democrazia semipresidenziala
Schef da stadi presidenta Gitanas Nausėda
Schef da la regenza primminister Saulius Skvernelis
Surfatscha 65 300 km²
Abitants 2 849 000 (2017)[1]
Spessezza 44 abitants per km²
Munaida euro (€)
Independenza 16 da favrer 1918
11 da mars 1990
Imni naziunal Tautiška giesmė
Zona d'urari UTC+2
Numer da l'auto LT
TLD d'internet .lt
Preselecziun +370

La Lituania (lituan Lietuva) è in stadi europeic che vegn attribuì a l’Europa Centrala ubain a l’Europa dal Nord. Tranter ils trais stadis baltics furma la Lituania il stadi situà il pli al sid. El cunfinescha en il vest cun la Mar da l’Ost ed ha cunfins communabels cun la Lettonia, la Bielorussia, la Pologna e l’oblast russ Kaliningrad.

Davent da ca. l’onn 1253 fin il 1795 ha la Lituania furmà in gronducadi; a partir dal 1569 ha il pajais fatg part da l’uniun polac-lituana. Cun la terza divisiun da la Pologna l’onn 1795 è la Lituania vegnida sut domini russ. Il 1918 ha il pajais declerà si’independenza sco republica. Suenter il temp d’occupaziun sovietic (a partir dal 1940) ha il stadi puspè cuntanschì il 1990 si’independenza. En rom da l’extensiun a l’ost l’onn 2004 è la Lituania daventada in stadi commember da l’Uniun europeica e commember da la NATO. Dapi il 2015 furma la Lituania il 19avel commember da la zona da l’euro.

La Lituania dumbra radund 3 milliuns abitants (situaziun dal 2017). La chapitala ed a medem temp la pli gronda citad dal pajais è Vilnius; ulteriuras citads grondas èn Kaunas, Klaipėda e Šiauliai.

  1. Bernardinai.lt ed uffizi da statistica, consultà ils 29 da mars 2017.

From Wikipedia, the free encyclopedia · View on Wikipedia

Developed by Nelliwinne