Felidae

Sta pàggina è scritta sicutannu i règuli dû Ducumentu pi l'Ortugrafìa dû Sicilianu dâ Cademia Siciliana.

? Felidae
Classificazzioni scintìfica
Duminiu: Eukaryota Suprafilu: Deuterostomia Filu: Chordata Suttafilu: Vertebrata Nfrafilu: Gnathostomata Supraclassi: Tetrapoda Classi: Mammalia Suttaclassi: Theria Nfraclassi: Eutheria Supraòrdini: Laurasiathera Òrdini: Carnivora Suttaòrdini: Feliformia Famigghia: Felidae Fischer von Waldheim, 1817

Felidae (FISCHER VON WALDHEIM, 1817 ) sunnu na famigghia di mammìfiri di l'òrdini dî Carnivora.

Stu gruppu cumprenni du' suttafamigghi: li Panterinae (liuni, tigri, liupardu, giaguaru) e li Felinae (ghipardu, puma, linci, jattu dumesticu ). Li Felidae sunnu la famigghia cu l'abbitùdini carnìvuri cchiù stritti di tuttu l'òrdini. Lu cchiù canusciutu ntra chisti è lu jattu (suttaspeci Felis silvestris catus), ca addivintau n'armalu allatinatu migghiara d'anni arreri. Lu so parenti cchiù vicinu, lu jattu sarbaggiu, campa ancora ntê vuschi di l'Europa, di l'Asia e di l'Africa, puru si la distruzzioni di l'habitat arridducìu la so purtata . Cci sunnu cuntraversi supra â classificazzioni dû jattu dumesticu comu na speci diversa rispettu ô jattu sarbaggiu.

Li tèrmini "jatti granni" (o panterini) sunnu usati puru pi nnicari chiddi ca appartèninu ô gèniri Panthera e "jatti nichi" ô gèniri Felis (rapprisintatu 'n chinu dû jattu). Sti du' gruppa parissi ca sunnu assai sìmili nta tanti aspetti, ma pû veru sunnu diversi nun sulu nta li grannizzi: la megghiu diffirenza è ca li felini nichi, ca ànnu n'ossu chiamatu jòidi ntâ basi dâ lingua, si ponnu ncudari ma nun ponnu runguliari; ô cuntrariu, li jatti granni, ca ànnu cartilàggini flissìbbili ô postu di l'ossu, ponnu runguliari ma no 'n sicutanza. N'autra diffirenza è ca la vavareḍḍa dî jatti nichi àvi nu tagghiu virticali, mentri li jatti granni tènninu a aviri tagghi uvali o tunni. Com'è-è, cci sunnu eccizziuna: Panthera uncia, pi diri, è classificatu ntra li jatti granni, ma nun rungulìa e si nùtrica mentri è aggiuccatu comu li jatti nichi .

Lu Felidae cchiù granni è la tigri dâ Sibberia (Panthera tigris altaica), ca po agghicari a 325 kg, mentri lu cchiù nicu è Prionailurus rubiginosus, ca pisa mmeci ô màssimu 1,6 kg.

Nta stu gruppu cc'è puru la suttafamigghia estinta di li Machairodontinae, comu a Smilodon, ammintuvati pî denti a furma di sciàbbula.