Ben Nevis

Coordinates: 56°47′49″N 5°00′13″W / 56.79685°N 5.003508°W / 56.79685; -5.003508 Ben Nevis (frae Scots Gaelic: Beinn Nibheis) is the heichest muntain in Scotland an in Gret Breetain as a hail. It ligs at the wastren end o the Grampian Muntains in the Lochaber aurie o the Hielands, naur the toun o Fort Wulliam.

Lyk monie Scots muntains, it is aften kent baith ti locals an veisitors as sempilie the Ben,^[1][2] whilk cums frae the Gaelic beinn meinin "muntain". Thar ar an estimatit 100,000 sklims o Ben Nevis ilk yeir,^[3] aboot thrie-fowerts o whilk^[4] ar made bruikin the weil-biggit Pownie Pad frae Glen Nevis on the sooth syd o the muntain. For sklimmers an muntaineers the main draw is the 700 m (2,300 ft) hie clints o the north syd. Thir ar amang the heichest clints in the Unitit Kinrick.

At the summit, 1345 m (4,409 ft) abuin sie levil,^[5] ligs the huil o an auld observatorie that wis aye staff'd atwein 1883 an 1904. The meteorological data gethert durin this stound is yit wechtie for unnerstaunin Scots muntain wather. C. T. R. Wilson wis inspyr'd ti mak the clud chaumer eftir a speil spent wirkin at the observatorie.

1. ↑ "Ben Nevis, or the 'Ben' as it is fondly known locally". Visit Fort William Ltd. Retrieved 23 October 2007.
2. ↑ "Ben Nevis is almost always referred to by climbers as simply The Ben (Ben meaning Mountain)". The Ben Nevis Challenge. Archived frae the original on 3 November 2007. Retrieved 23 October 2007.
3. ↑ John Muir Trust. "Ben Nevis owned by the John Muir Trust". Retrieved 5 November 2006.
4. ↑ The Nevis Working Party (2001). "Nevis Strategy" (PDF). Archived frae the original (PDF) on 4 November 2006. Retrieved 5 November 2006.
5. ↑ https://www.ordnancesurvey.co.uk/blog/2016/03/britains-tallest-mountain-is-taller/