Duke o Roxburghe

The Duke o Roxburghe (pronoonced "Roxbruh") is a title in the peerage o Scotland creatit in 1707 alang wi the titles Marquess o Bowmont an Cessford, Earl o Kelsae an Viscoont Broxmouth. John Ker, 5t Earl o Roxburghe became the first haulder o these titles. The title is derived frae Roxburgh in the Mairches.

The Duke haes the subsidiary titles o: Marquess o Bowmont an Cessford (creatit 1707), Earl o Roxburghe (1616), Earl o Kelsae (1707), Earl Innes (1837), Viscoont Broxmouth (1707), Lord Roxburghe (1600), an Lord Ker o Cessford an Cavertoun (1616). Aw o the titles form pairt o the peerage o Scotland, wi the exception o the Earldom o Innes, which belangs tae the peerage o the Unitit Kinrick. The Duke's eldest son bears the courtesy title o Marquess o Bowmont an Cessford.

The dukedom an its associatit titles descend tae heirs who shall inherit the earldom which in turn haed a vera specific line o descent. On the daith o the 4t duke the titles became dormant as nae ane coud prove their claim. In 1812 the Hoose o Lords ruled in favour o Sir James Innes-Ker, 6t Baronet, o Innes (see Innes Baronets), rejectin claims bi the heir female o the seicont earl an heir male whasoiver o the first earl.

The Duke o Roxburghe wad be the Chief o Clan Innes, but canna be so recognised as he retains the name Innes-Ker. ^[1]

The faimily haes its seat at Floors Castle in Kelsae, Scotland.

1. ↑ "The Standing Council of Scottish Chiefs Requirements for Recognition". Archived frae the original on 26 Februar 2012. Retrieved 9 Apryle 2011.