River Esk, Dumfries an Gallowa

The River Esk (Scots Gaelic: Easg), cawed an aw in English the Border Esk, is a river in Dumfries an Gallowa, Scotland, that flowes intil the Solway Firth. It flowes an aw for a smaw wey throu the English coonty o Cumbria afore enterin the Solway.

The river rises in the hills til the east o Moffat an its twa main tributarys, the Black Esk an the White Esk, gae thegither at the soothren end o Castle O'er Forest. It flowes sootheast throu Eskdale past Langham afore infawin wi Liddel Watter that defines the mairch atween Scotland an England. Afore passin Langtoon the river enters England an mells wi the River Lyne an enters the Solway Firth near the mooth o the River Eden.

It wis umwhile ane o the boonds o the Debatable Launds as merkit bi the Scot's Dyke.

The Scotland Act 1998 (Border Rivers) Order 1999 provides that functions relatin til the management o saumon, troot, eels, an freshwatter fish in respect o the hale o the River Esk remeen wi UK meenisters: the Border Esk an its tributarys is the anely rivers in Scotland whaur an Environment Agency rod leecence is require't for anglin.