Aurel Viktori

Aurel Viktori emri i plotë Sextus Aurelius Victor (rreth 320 – rreth 390) ishte një historian dhe politikan i Perandorisë Romake . Victor ishte autori i një historie të shkurtër të Romës perandorake, të titulluar De Caesaribus dhe që mbulonte periudhën nga Augusti deri te Konstanci II. Vepra u publikua në vitin 361. Nën perandorin Julian (361-363), Victor shërbeu si guvernator i Panonia Secunda ; në vitin 389 u bë prefekt urban (praefectus urbi), zyrtar i lartë perandorak në Romë. ^[1] Në shkrimet e Aurel Viktorit midis të tjerash gjejmë edhe disa të dhëna të rëndësishme për historinë e Ilirisë në periudhën perandorake. Për kohën para tij, Aurel Viktori mbështetet kryesisht tek Eutropi, të cilin shpesh herë e kopjon fjalë për fjalë.

1. ^ Ammianus Marcellinus, xxi.10.