Metoda shkencore

Metoda shkencore është një proces me të cilin shkencëtarët arrijnë të njohin fenomene të caktuara duke vendosur supozime dhe duke testuar ato përmes eksperimenteve. Në mënyrë që të ketë një karakter shkencor, metoda e hulumtimit duhet të bazohet në mbledhjen e shënimeve të dukshme, empirike dhe të matshme. Metoda shkencore është: "metoda e procedurave që janë karakteristikë e shkencave natyrore që nga shekulli XVII, që përbëhen nga vëzhgime, matje dhe eksperimente sistematike, si dhe nga formulimi, testimi dhe ndryshimi eventual i hipotezave".^{[1] [2] [3] [4]}

Një skemë pragmatike lineare dhe procedurale e hulumtimit zakonisht kalon nëpër këto etapa:

1. Përcaktimi i problemit
2. Grumbullimi i të dhënave dhe burimeve (vëzhgimi)
3. Formulimi i hipotezës
4. Testimi i hipotezës përmes eksperimentit (grumbullimi i të dhënave në mënyrë të vazhdueshme)
5. Analiza e të dhënave
6. Interpretimi i rezultateve dhe nxjerrja e përfundimeve (pikënisja për hipoteza të reja)
7. Publikimi i rezultateve
8. Rivlerësimi (shpesh bëhet nga shkencëtarë të tjerë).^[5]

Metodat kërkimore - shkencore përfshijnë ose ndahen në:

• Kërkimet fundamentale shkencore,
• Kërkimet aplikative shkencore dhe
• Kërkimet zhvillimore shkencore.^[6]

1. ^ Born, Max (1949), Natural Philosophy of Cause and Chance (PDF) (në anglisht), Peter Smith
2. ^ Alfred Scharff Goldhaberc; Michael Martin Nieto (janar–mars 2010). "Photon and graviton mass limits". Rev. Mod. Phys. (në anglisht). American Physical Society. 82: 939–979. doi:10.1103/RevModPhys.82.939.
3. ^ "Newton's Philosophy" (në anglisht). Stanford Encyclopedia of Phylosophy.
4. ^ "Definition of scientific from Oxford Dictionaries Online" (në anglisht). Arkivuar nga origjinali më 11 prill 2011. Marrë më 1 tetor 2017.
5. ^ Crawford S, Stucki L (1990), "Peer review and the changing research record", "J Am Soc Info Science", vol. 41, pp. 223–28
6. ^ LIGJIN PËR VEPRIMTARINË KËRKIMORE - SHKENCORE Në amëzën assembly-kosova.org Arkivuar 29 shtator 2007 tek Wayback Machine