Foan

Foane (eenpeld die Foan, dt. Moor) rakt dät in fuul Lounde ap de Waareld. Do maaste Foane rakt dät up dän noudelke Deel fon ju Waareld, uk in Europa. Wäästelk fon Düütsklound sünt in Belgien un do Niederlounde fuul Foangebiete. An do Niederlounde is dät al deeroan tou sjoon, dät fuul Meenten n Noome hääbe mäd -veen (Wäästfräisk -fean). um dät Skeed twiske dät Oamselound un do Niederlounde läit dät grootste Foangebied fon Europa, die Bourtanger Foan. Truch ju Äntstoudenge fon Eed lukt aan Foan uur loange Tied wäch Koolenstof uut ju Atmosphäre, die dan nit wier tou CO2 oxidiert -- so loange die Foan wäit is. Aan wäiten Foan is also goud foar dät Klima, man dät Druuchlääsen fon Foane drächt tou ju Globoale Apwoormenge bie.

• 
  Foangestriche ap ju Waareld
• 
  Ökologieske Foantypen
• 
  Apbau fon n Foan