Amplitudo

Amplitudo nyaéta gedé-leutikna atawa saeutik-lobana parobahan dina variabel nu ngarandapan osilasi (ayun ambing atawa puteran atawa kukurilingan) dina hiji sistem osilasi. Contona, gelombang sora mangrupa osilasi-osilasi dina tekenan atmosfir sarta amplitudona proporsional jeung parobahan dina tekenan salila osilasi. Lamun grafik sistem kasebut digambar kalayan variabel nu ngarandapan osilasi minangka sumbu vértikal sarta waktu minangka sumbu horizontal mangka amplitudo dimaksud bisa diukur sabagé jarak antara titik-titik dina kurva.