Kacapi mangrupa waditra kasenian Sunda anu biasa dipaké minangka pakakas utama dina kasenian Tembang Sunda atawa Mamaos Cianjuran, ieu pakakas téh biasana sok dikolaborasikeun jeung waditra nu ngaranna suling, antukna biasa disebut kacapi suling. Salian ti éta, kacapi ogé biasa dipaké dina mirig kawih anu saterusna dimekarkeun ku Mang Koko. Salian ti éta, kacapi ogé biasana dipaké dina hiji pagelaran anu disebut mantun. Ieu pagelaran téh dilaksanakeun ku Juru Pantun dina pidangan Carita Pantun. Dina pagelaran mantun biasana kacapi anu digunakeun téh ngagunakeun laras saléndro.[1]
Kecap kacapi dina basa Sunda ogé biasa dihartikeun kana sebutan hiji tangkal, nyaéta tangkal sentul. Éta tangkal téh anu biasa dipaké pikeun nyieun pakakas kasenian anu disebut kacapi téa.
- ↑ Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 9794192597. OCLC 45463431.