Masigit

Artikel ieu salasahiji tina séri Islam

Istilah-istilah Islam

Rukun Islam

Sahadat

Solat – Saum

Zakat – Haji

Kota Penting

Mekah – Madinah

Yerusalem – Kufah

Kajadian

Hijrah – Kalénder Islam – Idul Fitri

Idul Adha – Maulid

Wangunan

Masjid – Munara

Mihrob – Ka'bah

Arsitéktur Islam

Rujukan Ajaran

Qur'an – Hadits – Sunnah

Fiqih – Fatwa – Syari'ah

Madhab

Hanafi, Hambali, Maliki, Syafi'i

Masigit, atanapi mesjid/masjid, nyaéta tempat ibadah pikeun pangagem agama Islam (Muslim). Lian ti paragi ibadah, masjid ogé dijadikeun puseur kahirupan muslim. Muslim sering ngarujuk masjid kana basa Arab, masjid (jamak masajid) (basa Arab: مسجد — dikecapkeun: /ˈmas.ʤid/ atawa /ˈmas.ˈɡʲid/). Kecap Inggrisna nyaéta "mosque" nu nunjukkeun sagala rupa wangunan pikeun ibadahna umat Islam, sanajan ari dina basa Arab mah aya pangbédaan antara tempat ibadah nu leutik (disebut musola) atawa masjid gedé pikeun solat berjama'ah (masjid jami) (basa Arab: جامع), nu mibanda komunitas sarta fasilitas nu leuwih loba.

Kagunaan utama masjid nyaéta mangrupa tempat solat berjama'ah pikeun sakumna Muslim. Sanajan kitu, kiwari masjid dipikawanoh minangka pintonan arsitéktur Islami pikeun komunitas Muslim. Masjid geus mekar ti saprak ayana rohangan tanpa hateup nyaéta Msjid Kuba jeung Masjid Nabawi dina abad ka-7. Kiwari, lolobana masjid marake momolo, munara, jeung bale pikeun solat. Masjid asalna ti Jajirah Arab, tapi kiwari geus aya di sakabéh buana nu dicicingan di sakuliah dunya. Masjid lain ngan saukur pamarantian ibadah jeung ngadoa, tapi ogé mangrupa tempat paranti diajar ngeunaan Islam sarta sakur jalma nu percaya.