Back Аокеан ҭынч Abkhazian Laôt Pasifik ACE Хышхо Шъэф ADY Stille Oseaan Afrikaans Pazifischer Ozean ALS ሰላማዊ ውቅያኖስ Amharic Oceano Pacifico AN Sericus Gārsecg ANG المحيط الهادئ Arabic ܐܘܩܝܢܘܣ ܫܝܢܝܐ ARC
Samudra Pasifik atawa Lautan Iuh (basa Spanyol: Pacifico, hartina tenang) nyaéta kumpulan cai pangbadagna di Marcapada[1]. Ieu ngawengku kira-kira sapertilu Marcapada, ku legana 179,7 juta km² (69,4 juta mi²)[1]. Panjangna kurang leuwih 15.500 km (9.600 mi) ti Laut Bering di Arktik nepi ka wates és di Laut Ross di Antartika di kulon[2]. Samudra Pasifik nepi lebar wétan-kulon[2]. Minangka Samudra palegana di dunya, parairan ieu ngawengku kurang leuwih sapertilu lakop marcapada[1]. Titik panglandeuhna ti Samudra Pasifik nyaéta di dasar Palung Mariana di Kapuloan Mariana ku jerona -10.924 méter[1]. Di sabudeur Samudra Pasifik loba gunung marapi antukna sok rajeun lini[1]. Teu saukur kitu, fénomena alam anu sok kajadian di laut ieu nyaéta badéy sarta angin puyuh[2]. Badéy ieu anu tuluy narajang pulo-pulo di sabudeur Samudra Pasifik[2]. Di tengah Samudra Pasifik aya gugusan kapuloan Polynésia, Mikronésia, jeung Mélanesia (kawasan ieu disebut Oceania)[2]. Posisi samudra Pasifik kacida penting pikeun séktor ékonomi jeung pulitik internasional[2]. Nagara-nagara di kawasan ieu kagolong miboga tingkat tumuwuhna ékonomi anu luhur sarta gancang[2]. Ku kituna diwangun forum gawébareng ékonomi nagara-nagara Pasifik (APEC)[2].