Ngiri

Ngiri
Dume la ngiri mashariki (Phacochoerus a. massaicus)
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Ngeli: Mamalia (Wanyama wenye viwele wanaonyonyesha wadogo wao) Oda: Artiodactyla (Wanyama wanaokanyaga kwa kwato mbili-mbili)) Nusuoda: Suina (Wanyama kama nguruwe) Familia: Suidae (Wanyama walio na mnasaba na nguruwe) Jenasi: Phacochoerus (Ngiri) F. Cuvier, 1826
Ngazi za chini
Spishi 2, nususpishi 6: P. aethiopicus (Pallas, 1766) †P. a. aethiopicus (Pallas, 1766) P. a. delamerei Lönnberg, 1909 P. africanus Gmelin, 1788 P. a. aeliani Cretzschmar, 1828 P. a. africanus Gmelin, 1788 P. a. massaicus Lönnberg, 1908 P. a. sundevallii Lönnberg, 1908

Kutoka Wikipedia, ensaiklopidia huru

Ngiri, gwasi au mbango (Kiing. warthog) ni wanyama wa jenasi Phacochoerus katika familia Suidae. Hawa ni aina za nguruwe-mwitu wenye sugu kubwa kichwani, madume hasa (sababu ya jina lao kwa Kiingereza). Wana pamba ndefu, zile za dume ndefu kuliko zile za jike. Hula manyasi, mizizi, beri na matunda mengine, gamba la miti, nyoga na hata mayai, mizoga na pengine wadudu na wanyama wadogo. Wakila hupiga magoti ya mbele na wakitoroka kitisho huweka mkia juu wima.