R. Kelly

R. Kelly
Maelezo ya awali
Jina la kuzaliwa	Robert Sylvester Kelly
Amezaliwa	8 Januari 1967 (1967-01-08) (umri 58) Chicago, Illinois, Marekani
Aina ya muziki	R&B, soul, pop
Kazi yake	Mwimbaji-mtunzi-wa-nyimbo, rapa, mwanamuziki, mtayarishaji wa rekodi, mtayarishaji mtendaji, mtendaji wa rekodi, mpiga vyombo vingi-vingi, mwongozaji wa muziki wa video
Ala	Sauti, piano, kinanda
Miaka ya kazi	1986–mpaka sasa
Studio	RCA/Jive Label Group/Zomba Label Group/Sony Music Entertainment (1990–esent) Blackground Records (1993–05)
Tovuti	www.r-kelly.com

Robert Sylvester Kelly (amezaliwa tar. 8 Januari 1967) ni mwimbaji wa muziki wa R&B na soul-mtunzi wa nyimbo, rapa, na mtayarishaji wa rekodi kutoka nchini Marekani. Anafahamika zaidi kwa jina la kisanii kama R. Kelly. Alianza kuingia katika kazi ya muziki kwa mara kwanza kunako mwaka wa 1992 akiwa na kundi la Public Announcement, halafu baadaye Kelly akaenda kuwa kama msanii wa kujitegemea mnamo 1993 na kuweza kupata mafanikio makubwa kabisa kwa kazi za kujitegemea baada ya kutoa albamu yake ya 12 Play.

Kelly alifahamika sana kwa mkusanyiko wa vibao vyake vikali kama vile "Bump n' Grind", "I Believe I Can Fly", "Gotham City", "Ignition", "If I Could Turn Back the Hands of Time", "The World's Greatest", na hip-hopera ya "Trapped in the Closet".

Kelly pia ametayarisha na kuimba katika nyimbo nyingine kibao za wasanii wengine wa R&B na hip-hop. Mnamo mwaka wa 1994, Kelly ametayarisha na kutunga albamu ya kwanza ya mwimbaji wa R&B Aaliyah na mwaka wa 1995, Kelly ameshiriki-kutayarisha na kutunga wimbo wa "You Are Not Alone" kwa ajili ya Michael Jackson, ambao uliingizwa kwenye albamu ya Jackson, HIStory.

Kelly ameimba viitikio vya nyimbo kibao maarufu za hip-hop. Nyimbo ni pamoja na "Fuckin' You Tonight" ya The Notorious B.I.G., "We Thuggin'" ya Fat Joe, "Gigolo" ya Nick Cannon, na "Go Getta" ya Young Jeezy, na ameshirikiana na Jay-Z katika albamu mbili za pamoja.

Katika maisha yake binafsi, Kelly amekuwa na kashfa kadhaa za ngono. Taarifa zilielezwa kwamba amemwoa kabinti kadogo Aaliyah, ambaye yeye ndiye alikuwa mtunzi wake wa nyimbo. Kelly na Aaliyah wakasitisha ndoa yao. Baada ya kutolewa video ya mtu moja aliyedaiwa kuwa yeye kufanya mapenzi na msichana mdogo, Kelly akashtakiwa katika kesi kadhaa za ngono za watoto mnamo 2002.^[1] Baada ya makawio kadhaa, kesi yake ikapelekwa kizimbani mnamo 2008, na baraza la wazee wa mahakama likamwona Kelly hana kosa katika mshtaka yote 14.^[2]

Januari 2019 kipindi cha televisheni cha Lifetime kilitoa filamu fupi iitwayo Surviving R. Kelly iliyoonyesha wanawake wanaomshutumi kwa unyanyasaji wa kingono. Kutokana na tuhuma hizo, kampuni ya RCA Records ilufuta mkataba wake na Kelly.^[3] Februari 22, 2019, Kelly alifunguliwa mashtaka mengine 10.^[4] Julai 11, 2019, Kelly alikamatwa kwa mashataka kadhaa ya ngono.^{[5] [6]} Hadi Julai 12, 2019, Kelly anakabiliana na mashtaka 18 ikiwa ni pamoja na kufanya mapenzi na watoto wadogo, kuteka nyara na kazi ya kulazimishwa. ^[7]

1. ↑ W. Fountain, John (Juni 6, 2002). "R. Kelly, R & B Star, Is Indicted on Child Sex Charges". The New York Times. Iliwekwa mnamo Mei 11, 2018.{{cite news}}: CS1 maint: date auto-translated (link)
2. ↑ Streitfeld, David (Juni 14, 2008). "R. Kelly Is Acquitted in Child Pornography Case". The New York Times. Iliwekwa mnamo Mei 11, 2018.{{cite news}}: CS1 maint: date auto-translated (link)
3. ↑ Aswad, Jem; Aswad, Jem (Januari 18, 2019). "R. Kelly Dropped by Sony Music". Variety. Iliwekwa mnamo Januari 18, 2019.{{cite web}}: CS1 maint: date auto-translated (link)
4. ↑ "R Kelly 'charged with sexual offences'". 22 Februari 2019. Iliwekwa mnamo 22 Februari 2019.{{cite news}}: CS1 maint: date auto-translated (link)
5. ↑ "R. Kelly arrested in Chicago after being indicted by federal grand jury on new sex crime charges", Chicago Tribune, July 11, 2019.
6. ↑ https://www.nytimes.com/2019/07/12/nyregion/rkelly-arrested.html
7. ↑ "R. Kelly Arrested On Federal Charges, Including Child Pornography And Kidnapping". NPR.org (kwa Kiingereza). Iliwekwa mnamo 2019-07-13.