Wilibrodi

Wilibrodi (kwa Kiingereza cha Kale: Willibrord; kwa Kilatini: Villibrordus;^[1] 658 hivi – 7 Novemba 739) alikuwa mmonaki Mbenedikto kutoka Northumbria (Uingereza) maarufu kama "Mtume wa Wafrisia" kwa uinjilishaji wake katika Uholanzi na Udeni za leo, alipoanzisha majimbo na monasteri mbalimbali^[2].

Kwa kupewa daraja na Papa Sergio I alikuwa askofu wa kwanza wa Utrecht.

Kisha kuchoshwa na kazi na umri akafariki huko Echternach (leo nchini Luxembourg) katika monasteri mojawapo aliyoianzisha.^[3]

Anaheshimiwa tangu zamani na Wakatoliki na Waorthodoksi kama mtakatifu.

Sikukuu yake huadhimishwa katika tarehe ya kifo chake^[4].

1. ↑ Further Papers Regarding the Relation of Foreign States with the Court of Rome: Presented to the House of Commons ... Jun. 1853 (kwa Kiingereza). Harrison. 1853.
2. ↑ https://www.santiebeati.it/dettaglio/76600
3. ↑ Mershman, Francis. "St. Willibrord." The Catholic Encyclopedia. Vol. 15. New York: Robert Appleton Company, 1912. 5 Mar. 2014
4. ↑ Martyrologium Romanum