| Bodohoo | |
| |
| Área | 22,47 km²[1] |
| Populasaun | 2664 (2015)[2] |
| Xefe Suku | Manuel Soares Guterres (Eleisaun 2009)[3] |
Bodohoo (port.: Bado-Ho'o) hanesan suku ida ne'ebe pertenese postu administrativu Vinilale, munisípiu Baukau. Totál populasaun hamutuk ema nain 2664, kompostu husi mane nain 1383 no feto 1281[2]. Bodohoo okupa area 22,47 km² no fahe ba parte rua ne'ebe keta-ketak. Parte leste baliza ho suku Nahareka no Waibubu (postu administrativu Ossu, munisípiu Vikeke), parte oeste baliza ho suku Wailaha, parte norte baliza ho suku Uma Ana Ulu, no parte sul baliza ho suku Wataco.
Suku Bodohoo kompostu husi aldeia 5 mak hanesan Waibubu (Uaibobo), Waikana (Uaicana), Watubela Oli (Uatubela Oli), Wataula (Uataula) no Uma Ana Iku (Uma Ana Ico). Maizumenus 30% populasaun nian ko'alia lian Kawaimina (konsiste husi lian Mediki 23%, Kairui 2% no kuaze 5% Waimaha), 30% populasaun nian ko'alia lian Makasae no 10% populasaun ko'lia Tetún Prasa. Maioria populasaun trata sira nia vida nu'udar agrikultura ou halo to'os ka natar, produtu lokal mak hanesan hare, batar, feuk no seluseluk tan. Iha suku Bodohoo eziste bee manas iha aldeia Waikana ne'ebé bele atrai turista sira.
- ↑ Direcção Nacional de Estatística: Population Distribution by Administrative Areas Volume 2 English Archived 2017-01-05 iha Wayback Machine. (Census 2010; PDF; 22,6 MB)
- ↑ 2,0 2,1 Timor-Leste Population And Housing Census 2015 iha Wayback Machine (rai 2016-12-31)
- ↑ Secretariado Técnico de Administração Eleitoral STAE: Eleições para Liderança Comunitária 2009 - Resultados