Betu-beto

Ang rosch, puntero, dais, o dado^[1] (Ingles: die [isahan, bigkas: /day/], dice [maramihan, bigkas: /days/]^[2], mula lumang Pranses na dé, mula sa Latin na datum "isang bagay na binigay o nilaro"^[3]) ay mga bagay na ginagamit sa mga laro kapag kailangang alisaga (Ingles: random) o naaayon sa pagkakataon o tsansa ang kinakailangang gawin. Karamihan sa mga betu-beto ang hugis maliit na kubong may mga bilang na 1, 2, 3, 4, 5 at 6 sa ibabaw ng kanilang mga mukha. Kung minsan, mayroon ding mga betu-betong ginagawa na may ibang hugis, bukod sa pagiging kubo, ngunit pangkaraniwang sa mga kakaibang hugis ang may anim na gilid. Karaniwang pinapagulong ng kamay ng manlalaro ang isang betu-beto.

Dahil ginagamit para ito sa mga alisagang bilang o ibang mga simbolo, ginagawa nitong angkop ang betu-beto bilang kagamitan para sa sugal o gamitin sa mga laro sa mesa na hindi pang-sugal.

1. ↑ English, Leo James (1977). "Dado, dice". Tagalog-English Dictionary (sa wikang Ingles). Congregation of the Most Holy Redeemer. ISBN 9710810731., pahina 385.
2. ↑ Gaboy, Luciano L. Dice, die, dais, puntero, betu-beto - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
3. ↑ "AskOxford: die²". Inarkibo mula sa orihinal noong 2007-04-08. Nakuha noong 2009-07-30.