Facebook

Facebook, Inc.

Login homepage ng Facebook
Uri	Pampubliko (NASDAQ: FB)
Itinatag	4 Pebrero 2004 (21 taon na'ng nakalipas) (2004-02-04)
Punong tanggapan	Menlo Park, California, US
Lugar ng paglilingkod	Estados Unidos (2004–05) Buong mundo (2005–kasalukuyan)
(Mga) tagapagtatag	Mark Zuckerberg Eduardo Saverin Andrew McCollum Dustin Moskovitz Chris Hughes
Key people	Mark Zuckerberg (Chairman at CEO) Sheryl Sandberg (COO)
Industriya	Internet Advertising Social media Computer hardware Computer software
Revenue	$85.97 bilyon
Operating income	$32.67 bilyon (2020)
Net income	$29.15 bilyon (2020)
Total assets	$159.32 bilyon (2020)
Total equity	$128.29 bilyon (2020)
Mga mangagawa	63,404 (Setyembre 2021)
Mga sangay	Instagram WhatsApp Oculus VR PrivateCore Facebook Messenger Workplace (Facebook) Facebook Portal (Hardware)
Websayt	facebook.com
Katayuan sa Alexa	7
Uri ng sayt	Social networking service
Pagrehistro	Kinakailangan
Mga tagagamit	2.85 bilyon mga aktibong tagagamit noong Marso 2021
Mga wikang mayroon	Maraming wika
Kasalukuyang katayuan	Aktibo

Ang Facebook (literal na "aklat ng [mga] mukha") ay isang social networking website na libre ang pagsali at pinapatakbo at pag-aari ng Facebook, Inc. na isang pampublikong kompanya. Maaaring sumali ang mga tagagamit dito nakaayos ayon sa lungsod, pinagtratrabahuan, paaralan at rehiyon upang makakonekta at makihalubilo sa ibang mga tao. Maaaring magdagdag rin ng mga kaibigan at magpadala ng mensahe sa kanila, at baguhin ang kanilang sariling sanaysay upang ipagbigay-alam sa kanilang mga kaibigan ang tungkol sa kanilang sarili. Tumutukoy ang pangalan ng website na ito sa mga mukhang nasa aklat na papel (paper facebooks) na sinasalarawan ang mga kasapi ng isang kampus na pamayanan na ibinibigay ng ilang kolehiyo at preliminaryong paaaralan sa Estados Unidos sa mga papasok na mga mag-aaral, guro o propesor, at mga trabahador bilang isang paraan na makilala ang ibang tao sa kampus.

Itinatag ni Mark Zuckerberg ang Facebook kasama ang kaklase niya sa agham pangkompyuter at kasama sa kuwartong sina Dustin Moskovitz at Chris Hughes habang mag-aaral pa siya ng Pamantasan ng Harvard.^[1] Noong una, limitado ang pagsapi sa website na ito sa mga mag-aaral ng Harvard, ngunit lumawak ito sa ibang mga kolehiyo sa Boston, ang Ligang Ivy at Pamantasan ng Standford. Nang kalaunan, lumawak pa ito at napabilang ang kahit sinong mag-aaral ng isang pamantasan, pagkatapos mataas na paaralan at, nang tumagal pa, kahit sinong nasa gulang na 13 pataas. Sa kasalukuyan, mayroon na ang Facebook ng mahigit sa 200 milyong aktibong tagagamit sa buong mundo.^[2] Gayumpaman, noong Mayo 2011, ang Consumer Reports ay nakitang mayroong mahigit 7.5 milyong akawnt na edad 13 pababa at na may mahigit 5 milyon sa edad na 10 pababa na lumabag sa patakaran ng websayt.^[3]

1. ↑ "Talumbuhay ng mga Ehekutibo", Facebook. Kinuha noong 16 Agosto 2008.
2. ↑ "Mga estadistika ng Facebook". Kinuha noong 9 Enero 2009.
3. ↑ "Five million Facebook users are 10 or younger". ConsumerReports.org. Mayo 10, 2011. Nakuha noong Mayo 15, 2011.