Kawali

Ang kawali^[1] ay isang lutuang bakal na ginagamit bilang prituhan ng pagkain. Karaniwang mula 20 hanggang 30 cm (8 hanggang 12 pul) ang diyametro nito na may medyo mababang bibig na pumapaling palabas, mahabang hawakan, at walang takip. Kapag malaki ang kawali, maaaring may maliit na hawakan ito na katapat ng pangunahing hawakan. Tinatawag na gisahan o sauté pan naman ang mas maliit na lutuan na may bibig na di-gaanong pumapaling sa labas at mas bertikal at kadalasang may takip. Habang magagamit ang gisahan bilang kawali, idinisenyo ito para sa pagluluto sa mababang init.

1. ↑ "kawali - Diksiyonaryo". Diksiyonaryo.ph (sa wikang Filipino). Nakuha noong 10 Marso 2022.