Kim Il-sung

Dakilang Mariskal ng Republika Walang Hanggang Pinuno ng Juche Korea Kim Il-sung
김일성
Litratong opisyal ni Kim habang nakasuot ng ternong Mao, circa dekada 1960.
Ika-1 Pangkalahatang Kalihim ng Partido Manggagawa ng Korea
Nasa puwesto (Komite Sentral) 12 Oktubre 1966 – 8 Hulyo 1994
Kalihim	Choe Yong-gon Kim Il Pak Kum-chol Ri Hyo-son Kim Kwang-hyop Sok San Ho Pong-hak Kim Yong-ju Pak Yong-guk Kim To-man Ri Kuk-jin Kim Jung-rin Yang Hyong-sop O Jin-u Kim Tong-gyu Han Ik-su Hyon Mu-gwang Kim Jong-il Hwang Jang-yop Kim Yong-nam Kim Hwan Yon Hyong-muk Yun Ki-bok Hong Si-hak
Sinundan ni	Kim Jong-il
Pangulo ng Hilagang Korea
Nasa puwesto 28 Disyembre 1972 – 8 Hulyo 1994
Premiyer	Kim Il Pak Song-chol Ri Jong-ok Kang Song-san Ri Kun-mo Yon Hyong-muk Kang Song-san
Pangalawang Pangulo	Choe Yong-gon Kang Ryang-uk Kim Tong-kyu Kim Il Pak Song-chol Rim Chun-chu Ri Jong-ok Kim Pyong-sik
Ika-1 Premiyer ng Hilagang Korea
Nasa puwesto (Gabinete) 9 Setyembre 1948 – 28 Disyembre 1972
Unang Pangalawang Premiyer	Kim Il
Pangalawang Premiyer	Pak Hon-yong Hong Myong-hui Kim Chaek Kim Il Jong Il-ryong Nam Il Pak Ui-wan Jong Jun-thaek Kim Kwang-hyop Kim Chang-man Ri Jong-ok Ri Ju-yon Pak Song-chol Choe Yong-jin
Sinundan ni	Kim Il (Konseho ng Pangasiwaan)
Personal na detalye
Isinilang	Kim Song-ju (김성주) 15 Abril 1912(1912-04-15) Heijō, Heian'nan-dō, Chōsen
Yumao	8 Hulyo 1994(1994-07-08) (edad 82) Kondado ng Hyangsan, Lalawigan ng Hilagang Pyongan, Hilagang Korea
Himlayan	Palasyong Araw ng Kumsusan, Pyongyang
Partidong pampolitika	Partido Manggagawa ng Korea
Ibang ugnayang pampolitika	Partido Manggagawa ng Hilagang Korea (1946–1949) Partido Komunista ng Tsina (1931–1946)
Asawa	Kim Jong-suk (1941-1949) Kim Song-ae (1952-1994)
Anak	Kim Jong-il Kim Man-il Kim Kyong-hui Kim Kyong-jin Kim Pyong-il Kim Yong-il
Magulang	Kim Hyong-jik (ama) Kang Pan-sok (ina)
Alma mater	Akademyang Militar ng Whasung Mataas na Paaralan ng Jilin Yuwen
Pirma
Serbisyo sa militar
Katapatan	Hilagang Korea Unyong Sobyetiko Tsinang Komunista
Sangay/Serbisyo	Hukbong Bayan ng Korea Hukbong Pula Nagkakaisang Hukbong Anti-Hapones sa Hilagang-Silangan
Taon sa lingkod	1948–1994 1941–1945
Ranggo	Taewŏnsu (대원수) Dakilang Mariskal
Yunit	Ika-88 Seperadong Brigadang Riple (Hukbong Pula)
Atasan	Kataas-taasang Komandante
Labanan/Digmaan	Digmaang Koreano Ikalawang Digmaang Pandaigdig
Pagkakasapi sa Institusyong Sentral at Ibang Tanggapang Hinawakan 1992-1993: Tagapangulo; Komisyon ng Tanggulang Pambansa ng Demokratikong Republikang Bayan ng Korea 1982–1994: Tagapangulo; Komisyong Militar Sentral ng Partido Manggagawa ng Korea 1980–1994: Kasapi; Presidyo ng Kawanihang Pampolitika ng Ika-6 Komite Sentral ng Partido Manggagawa ng Korea 1972-1992: Tagapangulo; Komisyon ng Tanggulang Pambansa ng Komiteng Bayang Sentral ng Demokratikong Republikang Bayan ng Korea 1970–1982: Tagapangulo; Komisyong Militar ng Komite Sentral ng Partido Manggagawa ng Korea 1970–1980: Kasapi; Komiteng Pampolitika ng Komite Sentral ng Partido Manggagawa ng Korea 1966–1994: Kalihiman ng Partido Manggagawa ng Korea 1966–1970: Kasapi; Komiteng Permanente ng Komiteng Pampolitika ng Komite Sentral ng Partido Manggagawa ng Korea 1961–1970: Tagapangulo; Komiteng Pampolitika ng Komite Sentral ng Partido Manggagawa ng Korea 1956–1961: Kasapi; Komiteng Permanente ng Komite Sentral ng Partido Manggagawa ng Korea 1950-1972: Kataas-taasang Komandante; Hukbong Bayan ng Korea (hanggang 1991) 1949–1966: Tagapangulo; Komite Sentral ng Partido Manggagawa ng Korea 1948–1994: Diputado; Ika-1-9 na Kataas-taasang Asembleyang Bayan 1947–1948: Tagapangulo; Komiteng Bayan ng Hilagang Korea 1946–1994: Kasapi; Ika-1-6 na Komite Sentral ng Partido Manggagawa ng Korea 1946–1956: Kasapi; Komiteng Pampolitika ng Komite Sentral ng Partido Manggagawa ng Korea 1946–1949: Pangalawang Tagapangulo; Komite Sentral ng Partido Manggagawa ng Hilagang Korea 1946–1947: Tagapangulo; Komiteng Bayang Probisyonal ng Hilagang Korea 1945–1946: Tagapangulo; Kawanihan ng Hilagang Korea ng Partido Komunista ng Korea Ika-1 Kataas-taasang Pinuno ng Demokratikong Republikang Bayan ng Korea (Setyembre 9, 1948 - Hulyo 8, 1994) Kim Jong-il →

Si Kim Il-sung (Abril 15, 1912 – Hulyo 8, 1994), ipinanganak na Kim Song-ju, ay isang Koreanong manghihimagsik at politiko na nagtatag ng Hilagang Korea at naging unang kataas-taasang pinuno nito. Namahala siya mula sa pagkalikha ng bansa noong 1948 hanggang sa kanyang pagkamatay nang 1994, kung kailan hinalinhan siya ng kanyang panganay na anak na si Kim Jong-il. Naglingkod siya bilang unang premiyer at tanging pangulo ng Hilagang Korea, Tagapangulo at Pangkalahatang Kalihim ng Partido Manggagawa ng Korea, at Kataas-taasang Komandante ng Hukbong Bayan ng Korea. Inilahad niya ang pilosopiyang Juche, ang ideolohiyang pang-estado ng Hilagang Korea na nakabatay sa sosyalismo, pag-aasa sa sarili, at nasyonalismong Koreano.

Isinilang sa isang aktibistang pamilya sa panahon ng paglupig sa Korea, naging gerilyang anti-Hapones si Kim sa kanyang pagkabata. Naimpluwensyahan siya ng mga makakaliwang ideolohiya at sumali sa mga organisasyong radikal tulad ng Partido Komunista ng Tsina. Matapos mahati ang tangway ay naglingkod siya bilang pinuno ng pamahalaang probisyonal sa sonang Sobyetiko at nangasiwa sa pagkatatag ng kasalukuyang estado ng Hilagang Korea. Pinasimuno niya ang pagsalakay sa Timog Korea noong 1950 na humantong ng Digmaang Koreano, na tumigil noong 1953 sa pagkapatas. Kasunod ng labanan ay muling itinayo ni Kim ang bansa sa ilalim ng sentralisadong ekonomiyang planado. Nagtamasa ang Hilagang Korea ng mas mataas na antas ng pamumuhay noong dekada 1960 at 1970 kaysa sa Timog, na noo'y dumaranas ng krisis sa politika at ekonomiya. Nagbago-bago ang mga relasyon niya sa Unyong Sobyetiko at Tsina, partikular nang pinagsikapan niyang ilagay ang Juche sa praktika sa pamamagitan ng mga polisiyang isolasyonista at pagiging malaya sa mga larangan ng politika, ekonomiya, at militar. Gayunpaman, labis pa rin na umasa ang Hilagang Korea ng mga subsidyo at pinansiyal na tulong mula sa URSS at Silangang Bloke, at lubos na naapektuhan ang ekonomiya ng bansa nang nabuwag ang mga ito. Nagdulot ito sa malawakang taggutom noong 1994, na naging sanhi sa pagkamatay ng tinatayang 240 libo hanggang 3.5 milyong mamamayan. Sa panahong ito ay nanatiling kritikal ang Hilagang Korea sa itinuturing nitong imperyalistang presensya ng mga pwersang pandepensa ng Estados Unidos sa katimugan. Inagaw ng bansa ang barkong USS Pueblo noong 1968, na bahagi ng kampanyang impiltrasyon at subersyon para ipag-isa ang Korea sa ilalim ng pamamahala ng hilagang estado. Nasa tanggapan ng halos 46 na taon, siya ang ikatlong pinakamatagal na di-makaharing punong pampamahalaan sa ika-20 dantaon. Nalampasan ni Kim sa buhay ang kanyang mga kaalyadong sina Iosif Stalin ng apat na dekada at Mao Zedong ng halos dalawang dekada, at nanatili sa kapangyarihan sa panahon ng panunungkulan ng anim na pangulo ng Timog Korea at sampu sa Estados Unidos.

Itinuturing na totalitaryong diktador, patuloy na nangingibabaw ang kulto ng personalidad ni Kim sa Hilagang Korea, at sinasabing mas matindi kina Stalin at Mao. Maihahalintulad ang paglalarawan sa kanya sa pigura ng Konfusyanong ama na karapat-dapat sa lubusang paggalang at pagmamahal ng sambayanan. Binigyan siya ng iba't-ibang titulong di-opisyal at papuri lamang, ngunit ang pinakamahalaga ay ang "Dakilang Pinuno", na naging kolokyal na katawagan upang tukuyin siya. Ang kalendaryong Juche na nagsisilbing sistema ng pagbibilang ng mga taon sa bansa ay nagsisimula sa 1912, ang taon ng kanyang kapanganakan. Ipinagdidiriwang ang kanyang kaarawan sa Abril 15 at kinikilala bilang "Araw ng Araw". Itinalaga siya ng saligang batas noong 1998 hanggang 2016 bilang "Walang Hanggang Pangulo ng Demokratikong Republikang Bayan ng Korea". Tinatayang halos 1.6 milyong tao ang namatay sa ilalim ng kanyang rehimen sa pamamagitan ng pagpapatay, pagpupurga, at paglagay sa mga kampo ng sapilitang paggawa. Inihanda niya ang kanyang anak na si Kim Jong-il na humalili sa kanya, na naganap noong pumanaw siya noong 1994. Dahil dito, siya ang kauna-unahang pinunong komunista na nagtatag ng pamamahalang dinastiko. Patuloy na naghahari ang dinastiyang kanyang itinatag sa Hilagang Korea, kung saan kasalukuyang pinangungunahan ng kanyang apo na si Kim Jong-un.