Kim Jong-un

Respetadong Kasama Mariskal ng Republika Kim Jong-un
김정은
Si Kim nang siya'y nagpulong kay Vladimir Putin sa Vladivostok, Rusya noong 25 Abril 2019.
Ika-3 Pangkalahatang Kalihim ng Partido Manggagawa ng Korea
Kasalukuyang nanunungkulan
Unang araw ng panunungkulan 10 Enero 2021
Nakaraang sinundan	Kim Jong-il
Pangulo ng Komisyon ng Ugnayang Pampamahalaan
Kasalukuyang nanunungkulan
Unang araw ng panunungkulan 29 Hunyo 2016
Unang Pangalawang Pangulo	Choe Ryong-hae
Pangalawang Pangulo	Hwang Pyong-so Pak Pong-ju Choe Ryong-hae Kim Tok-hun
Premiyer	Pak Pong-ju Kim Jae-ryong Kim Tok-hun
Unang Tagapangulo ng Komisyon ng Tanggulang Pambansa
Nasa puwesto 13 Abril 2012 – 29 Hunyo 2016
Pangalawang Tagapangulo	Kim Yong-chun Ri Yong-mu Jang Song-taek O Kuk-ryol Choe Ryong-hae Hwang Pyong-so
Premiyer	Choe Yong-rim Pak Pong-ju
Nakaraang sinundan	Kim Jong-il (bilang Tagapangulo)
Personal na detalye
Isinilang	(1984-01-08) 8 Enero 1984 (edad 41) Pyongyang, Hilagang Korea
Partidong pampolitika	Partido Manggagawa ng Korea
Asawa	Ri Sol-ju
Anak	Kim Ju-ae
Magulang	Kim Jong-il (ama) Ko Yong-hee (ina)
Alma mater	Pamantasang Kim Il-sung
Pirma
Serbisyo sa militar
Katapatan	Hilagang Korea
Sangay/Serbisyo	Hukbong Bayan ng Korea
Taon sa lingkod	2010-kasalukuyan
Ranggo	Mariskal
Atasan	Kataas-taasang Komandante
Pagkakasapi sa Institusyong Sentral 2014-2019: Diputado; Ika-13 Kataas-taasang Asembleyang Bayan 2012-kasalukuyan: Kasapi; Presidyo ng Kawanihang Pampolitika ng Ika-6-8 Komite Sentral ng Partido Manggagawa ng Korea 2012-kasalukuyan: Tagapangulo; Komisyong Militar Sentral ng Partido Manggagawa ng Korea 2010-kasalukuyan: Ika-6-8 Komite Sentral ng Partido Manggagawa ng Korea 2010-2012: Pangalawang Tagapangulo; Komisyong Militar Sentral ng Partido Manggagawa ng Korea Ika-3 Kataas-taasang Pinuno ng Hilagang Korea (Disyembre 17, 2011 – kasalukuyan) ← Kim Jong-il

Si Kim Jong-un (ipinanganak Enero 8, 1984) ay Koreanong politiko na siyang ikatlo at kasalukuyang kataas-taasang pinuno ng Hilagang Korea. Nagsimula ang kanyang pamamahala mula sa pagkamatay ng kanyang amang si Kim Jong-il noong 2011. Naglilingkod siya bilang Pangkalahatang Kalihim ng Partido Manggagawa ng Korea at Pangulo ng Komisyon ng Ugnayang Pampamahalaan.

Isinalang sa Pyongyang sa unang bahagi ng dekada 1980, nag-aral at lumaki si Kim sa Berna, Suwisa. Matapos ma-istrok ang kanyang ama, bumalik siya sa bansa at nakatanggap ng titulo mula sa Pamantasang Kim Il-sung. Mula sa huling bahagi ng 2010, tinanaw si Kim ay bilang inaasahang eredero sa pamunuan ng bansa, at iniangat sa ranggo ng apat-na-talang heneral sa parehong taon. Nang nasawi ng kanyang ama, inanunsyo ng pampamahalaang telebisyon si Kim bilang "Dakilang Kahalili". Kasunod nito ay iniutos niya ang pagpurga ng iilang matataas na opisyal tulad ng kanyang sariling titong si Jang Song-thaek noong 2013. Pinaniniwalaan din na siya ang nagpapatay sa kanyang kalahating-kapatid na si Kim Jong-nam sa Malaysia noong 2017. Pinangunahan niya ang pagpapalawak ng ekonomiyang mamimili, mga proyektong konstruksyon, at atraksyong panturista sa Hilagang Korea.

Pinalawak ni Kim ang programa ng mga sandatang nukleyar ng bansa, na humantong sa tumaas na tensyon sa Estados Unidos, Timog Korea, at Tsina. Noong 2018 at 2019, nakibahagi si Kim sa mga sumite kasama ang noo'y Timog Koreanong pangulo na si Moon Jae-in at Amerikanong pangulong Donald Trump, na humantong sa maikling pagtunaw sa pagitan ng Hilagang Korea at ng dalawang bansa, ngunit nabigo ang mga negosasyon sa huli nang walang pag-unlad sa reunipikasyon ng Korea o pagdisarmang nukleyar. Inangkin niya ang tagumpay sa paglaban sa pandemyang COVID-19 sa bansa dahil wala itong naiulat ng anumang kumpirmadong kaso hanggang Mayo 2022, bagama't maraming dayuhang tagamasid na dinududahan ang pahayag na ito.

Tulad ng kanyang lolo at ama, itinuturing si Kim na totalitaryong diktador. Iniulat ng Konseho ng Karapatang Pantao ng mga Nagkakaisang Bansa na maaari siyang litisin para sa mga krimen laban sa sangkatauhan.