Lalaking Vitruvio

Lalaking Vitruviano
Alagad ng sining	Leonardo da Vinci
Taon	c. 1490
Tipo	Panulat at tinta na mayroong buhos sa ibabaw ng tuldok ng metal na nasa ibabaw ng papel.
Sukat	34.4 cm × 25.5 cm (13.5 pul × 10.0 pul)

Ang Lalaking Vitruvio (Ingles: Vitruvian Man; Espanyol: Hombre de Vitruvio; Italyano: Uomo vitruviano) ay isang larawang iginuhit ni Leonardo da Vinci noong dekada 1490.^[1] Mayroon itong mga kasamang mga tala hinggil sa mga nagawa ng arkitektong si Vitruvius. Ang larawang nakaguhit, na ginawa sa pamamagitan ng panulat at tinta sa ibabaw ng papel, ay naglalarawan ng pigura o hugis ng isang lalaki na nasa dalawang magkapatong na mga posisyon na ang mga bisig at mga binti ay magkahiwalay at magkasabay na nakapaloob sa isang bilog at sa isang parisukat. Ang guhit at teksto ay paminsan-minsang tinatawag na Kanon ng mga Proporsiyon o, sa hindi kadalasan, bilang Mga Proporsiyon ng Lalaki. Nakaimbak ito sa Gallerie dell'Accademia sa Venice, Italya, at, katulad ng karamihan sa mga akdang nasa papel, ay paminsan-minsan lamang itinatanghal^[2][3]

1. ↑ Stemp, Richard. The Secret Language of the Renaissance.
2. ↑ "The Vitruvian man". Leonardodavinci.stanford.edu. Nakuha noong 2010-08-20.
3. ↑ "Da Vinci's Code". Witcombe.sbc.edu. Inarkibo mula sa orihinal noong 2020-04-19. Nakuha noong 2010-08-20.