Michael Jackson

Michael Jackson
Pagtatanghal ni Jackson noong 1988
Kapanganakan	Michael Joseph Jackson 29 Agosto 1958(1958-08-29) Gary, Indiana, U.S.
Kamatayan	25 Hunyo 2009(2009-06-25) (edad 50) Los Angeles, California, Estados Unidos
Ibang pangalan	Michael Joe Jackson
Trabaho	Musikero, mang-aawit, mananayaw, manananghal, prodyuser, aktor, negosyante, pilantropo
Aktibong taon	1964–2009
Kamag-anak	Joe Jackson (ama) Katherine Jackson (ina) Rebbie Jackson (kapatid na babae) Jackie Jackson (kapatid na lalaki) Tito Jackson (kapatid na lalaki) Jermaine Jackson (kapatid na lalaki) La Toya Jackson (kapatid na babae) Brandon Jackson (kapatid na lalaki) Marlon Jackson (kapatid na lalaki) Randy Jackson (kapatid na lalaki) Janet Jackson (kapatid na babae)
Karera sa musika
Genre	Musikang pop, rock, soul, R&B, funk, disco, new wave, new jack swing
Instrumento	Boses
Label	Motown, Universal, Sony, Epic, Legacy, MJJ Productions
Pirma

Si Michael Joseph Jackson (29 Agosto 1958 – 25 Hunyo 2009) ay isang Amerikanong mang-aawit, manananghal, mananayaw, negosyante at pilantropo. Kadalasang binabansagang "Hari ng Pop", o sa kanyang inisyal na MJ,^[1][2] Tinaguriang pinakamatagumpay na manananghal sa lahat ng panahon si Jackson ayon sa Guinness World Records. Ang kanyang mga ambag sa musika, sayaw, at pananamit, kasama ang kanyang personal na buhay, ang naging dahilan upang siya ay maging tanyag sa buong daigdig.

Pangwalong anak siya ng mag-anak na Jackson, at nagsimula magtanghal ng musika kasama ang kanyang mga kapatid na lalaki bilang kasapi ng The Jackson 5 noong 1964, at lumaon ay nagsimulang magsolo noong 1971. Noong unang bahagi ng dekada 80, naging si Jackson sa musikang popular. Ang mga bidyong pangmusika o music video niya ng "Beat It," "Billie Jean," at "Thriller," ang pinaniniwalaang nagpabago sa mga bidyong pangmusika bilang isang uri ng sining at kasangkapang pang-promosyon. Ang katanyagan ng mga bidyo niya ang tumulong sa bago pa lamang noong himpilang pantelebisyon na MTV na sumikat. Kasama ng mga bidyo na "Black or White" at "Scream", nagpatuloy si Jackson sa pagbago ng medyang ito hanggang dekada 90. Sa mga pagtatanghal niya sa entablado at sa mga bidyong pangmusika, nagpasikat siya ng mga mahihirap na sayaw, gaya ng robot, at ang moonwalk, na siya ang mismo ang nagpangalan.

Ang album ni Jackson noong 1982 na Thriller ay ang pinakamabentang album sa lahat ng panahon. Ang iba pa niyang mga album, kasama na ang Off the Wall (1979), Bad (1987), Dangerous (1991), at HIStory (1995), ay napabilang din sa pinakamabentang mga album sa daigdig.

Ang mga aspeto ng personal na buhay ni Jackson, kasama na ang pagbabago ng kanyang hitsura, mga kaugnayang personal at pag-uugali ay nakagawa ng mga kontrobersiya. Noong kalagitnaan ng dekada 90, inakusahan siya ng pag-aabuso sa mga bata, subalit ang kaso ay naareglo sa halagang $25 milyon at hindi na nagsampa pa ng pormal na kaso.^[3] Noong 2005, siya ay nilitis at napawalang sala sa iba pang mga kaso ng alegasyon ng pang-aabuso.

Namatay siya noong 25 Hunyo 2009 habang naghahanda siya sa pagbabalik niya sa mga serye ng pagkokonsiyerto na pinamagatang This Is It. Ang pagkamatay ni Jackson ay sinundan ng pandaigdigang pagkalungkot at ng isang live na pagpapalabas ng kanyang libing na napanood sa buong daigdig.^[4]

1. ↑ "Biography for Michael Jackson". Internet Movie Database. Nakuha noong 15 Oktubre 2011.
2. ↑ Ryan, Joal (2009-06-25). "Michael Jackson, Pop's Thrilling King, Dead at 50". E! Online. Nakuha noong 2009-06-25.
3. ↑ Mankiewicz, Josh (3 Setyembre 2004). "New details about 1993 Jackson case". NBC News. Nakuha noong 13 Disyembre 2012.
4. ↑ "Hazarika's funeral creates world record". MSN. 8 Hulyo 2009. Inarkibo mula sa orihinal noong 2014-08-07. Nakuha noong 2014-01-29.