Papa Juan Pablo II

San Juan Pablo II
Si Papa Juan Pablo II noong 1980
Nagsimula ang pagka-Papa	16 Oktubre 1978
Nagtapos ang pagka-Papa	2 Abril 2005
Hinalinhan	Papa Juan Pablo I
Kahalili	Papa Benedicto XVI
Mga orden
Ordinasyon	1 Nobyembre 1946 ni Adam Stefan Sapieha
Konsekrasyon	28 Setyembre 1958 ni Eugeniusz Baziak
Naging Kardinal	26 Hunyo 1967
Mga detalyeng personal
Pangalan sa kapanganakan	Karol Józef Wojtyła
Kapanganakan	18 Mayo 1920(1920-05-18) Wadowice, Republika ng Poland
Yumao	2 Abril 2005(2005-04-02) (edad 84) Palasyong Apostoliko, Lungsod ng Vatikano
Kabansaan	Polish
Dating puwesto	Auxiliary Bishop of Kraków, Poland (1958–1964) Titular Bishop of Ombi (1958–1964) Archbishop of Kraków, Poland (1964–1978) Cardinal-Priest of San Cesareo in Palatio (1967–1978)
Motto	Totus Tuus meaning "lahat ng sa iyo"
Lagda
Eskudo de armas
Kasantuhan
Kapistahan	22 Oktubre
Beatipikasyon	1 Mayo 2011 Plaza de San Pedro, Lungsod ng Batikano ni Papa Benedicto XVI
Kanonisasyon	27 Abril 2014 Plaza de San Pedro, Lungsod ng Batikano ni Papa Francisco
Pamimintakasi	World Youth Day (Co- Patron)
Iba pang mga Papa na mayroon ding pangalan na Juan Pablo

Si Papa San Juan Pablo II (Latin: Ioannes Paulus II), ipinanganak bilang Karol Józef Wojtyła (Polish: ['kar?l 'juz?f v?j't?wa]; 18 Mayo 1920 - 2 Abril 2005), kilala din bilang San Juan Pablo Na Dakila ang ika-264 na Papa ng Simbahang Romano Katoliko mula 16 Oktubre 1978 hanggang sa kaniyang pagpanaw noong 2 Abril 2005.^[1][2] Siya ang may pangalawa sa pinakamahabang nanilbihang papa sa makabagong kasaysayan matapos kay Papa Pio IX, na nanilbihan ng 31 taon mula 1846 hanggang 1878. Pinanganak sa Polonya, si Papa San Juan Pablo II ang unang papa na hindi Italyano mula kay Papa Adrian VI na isang Olandes na nanilbihan mula 1522 hanggang 1523.

Kinilala ang panunungkulan ni Papa San Juan Pablo II sa pagtulong sa pagtatapos ng rehimeng komunismo sa kaniyang tinubuang Polonya at maging sa kabuuan ng Europa.^[3] Ipinagbuti ni Juan Pablo II ang pakikipag-ugnayan ng Simbahang Katoliko sa Hudaismo, Islam, sa Simbahang Ortodokso ng Silangan, at sa Simbahang Anglikano. Ipinagtibay niya ang katuruan ng Simbahan laban sa artipisyal na kontrasepsyon at sa pag-oordina sa mga kababaihan, sa pagsuporta sa Ikalawang Konsilyong Vaticano at sa mga reporma nito.

Isa siya sa mga pinuno na pinakadalas na nakapaglakbay sa kasaysayan, na nakabisita sa 129 mga bansa sa kaniyang pagiging papa. Sa kaniyang espesyal na pagdidiin sa pangkalahatang kabanalan, naibeatipika niya ang 1,340 na katao at 483 ang naikanonisa niyang mga santo, tumalaga siya ng pinakamaraming mga obispo, at nakapag-ordina siya ng maraming mga kaparian.^[4] Ang kaniyang layunin sa pagiging Papa ay ang pagbabago at pagpoposisyong muli ng Simbahang Katolika. Ang kaniyang kahilingan ay ang "paglalagay sa kaniyang Iglesia at ang bawat puso ng nga kaalyansa sa relihiyon na magbubuklod sa mga Hudyo, Muslim at Cristiano bilang isang dakilang hukbong relihiyon."^[5][6]

Ang kampaniya upang ikanonisa si Juan Pablo II ay nag-umpisa noong 2005, ilang sandali pagpanaw niya, taliwas sa tradisyunal na limang taong palugit ng paghihintay. Noong 19 Disyembre 2009, ipinroklama si Juan Pablo II bilang Venerable ng kaniyang kahaliling si Papa Benedicto XVI at nabeatipika noong 1 Mayo 2011 matapos iparatang sa kaniya ng Kongregasyon ng mga Kadahilanan ng mga Santo ang isang himala: ang pagpapagaling ng isang madreng Pranses mula sa Karamdaman ni Parkinson. Ang pangalawang himala na ipinaratang sa yumaong papa ay ipinasa noong 2 Hulyo 2013 at pinagtibay ni Papa Francisco matapos ang dalawang araw. Kinanonisa si Juan Pablo II noong 27 Abril 2014, kasabay ni Papa Juan XXIII..^[7] Tulad ni Juan XXIII, hindi pinagdiriwang ang araw ng kaniyang kapistahan sa petsa ng kaniyang kamatayan tulad ng kinaugalian; sa halip ito ay ginugunita sa anibersaryo ng kaniyang pagkakahirang bilang papa noong 22 Oktubre 1978.^[8]

1. ↑ "John Paul the Great Catholic University".
2. ↑ Evert, Jason (2014). Saint John Paul the Great: His Five Loves. Ignatius Press. Inarkibo mula sa orihinal noong 2014-04-12. Nakuha noong 2014-05-15.
3. ↑ Lenczowski, John. "Public Diplomacy and the Lessons of the Soviet Collapse", 2002
4. ↑ David M. Cheney (29 July 2012). "Pope John Paul II (Bl. Karol Józef Wojtyła)". [Catholic-Hierarchy]. Nakuha noong 4 August 2012.
5. ↑ Odone, Cristina — Catholic Herald", 1991
6. ↑ Geller, Uri — The Jewish Telegraph, 7 July 2000
7. ↑ "Report: Pope Francis Says John Paul II to Be Canonized April 27". National Catholic Register. 3 September 2013. Inarkibo mula sa orihinal noong 5 Nobiyembre 2013. Nakuha noong 6 September 2013. {{cite news}}: Check date values in: |archive-date= (tulong) Naka-arkibo 5 November 2013^{[Date mismatch]} sa Wayback Machine.
8. ↑ "Vatican declares Popes John Paul II and John XXIII saints". BBC News. British Broadcasting Corporation. 27 April 2014. Nakuha noong 27 April 2014. {{cite news}}: Italic or bold markup not allowed in: |newspaper= (tulong)