South Luzon Expressway

Kailangang isapanahon ang artikulong ito. Pakitulungang isapanahon ang article na ito upang sumalamin ang kamakailang mga kaganapan o bagong impormasyon na mayroon na.

South Luzon Expressway
Dating tinawag na South Superhighway Pres. Sergio Osmeña Sr. Highway[1] Dr. Jose P. Rizal Highway[2]
Mapa ng mga mabilisang daanan sa Luzon (nakakahel ang South Luzon Expressway)
Pahilagang South Luzon Expressway sa Barangay Putatan, Muntinlupa
Impormasyon sa ruta
Part of AH26
Pinangangasiwaan ng Kagawaran ng Pagawaing Bayan at Lansangan at Pangasiwaan sa Pagpapaunlad ng Kalakhang Maynila (Osmeña Highway/South Superhighway), Skyway Operations and Maintenance Corporation (Metro Manila Skyway), at Manila Toll Expressway Systems, Inc. (South Luzon Tollway/ACTEX)
Haba	51 km (32 mi)
Bahagi ng	R-3 R-3 N145 mula Abenida Quirino hanggang Palitan ng Magallanes AH26 / E2 E2 (AH26) sa Kalakhang Maynila, Kabite, at Laguna
Pagbabawal	Bawal ang mga motorsiklo na mas-mababa sa 400cc paglampas ng Palitan ng Nichols (patimog).
Pangunahing daanan
Dulo sa hilaga	N140 (Abenida Quirino) sa Paco, Maynila
	N1 (EDSA) / AH26 sa Palitan ng Magallanes sa Makati N1 (Daang Pambansa/Daang Maharlika/Manila South Road) / N411 (Daang Alabang–Zapote) / N142 (Kalye Montillano) sa Alabang, Muntinlupa N1 / AH26 (Daang Maharlika) sa Calamba, Laguna
Dulo sa timog	E2 (STAR Tollway) sa Santo Tomas, Batangas
Lokasyon
Mga lawlawigan	Kalakhang Maynila, Laguna, Batangas
Mga pangunahing lungsod	Maynila Makati Pasay Taguig Parañaque Muntinlupa San Pedro Biñan Santa Rosa Cabuyao Calamba Santo Tomas
Mga bayan	Carmona
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Ang South Luzon Expressway (SLE o SLEx), na kilala dati sa mga pangalang South Superhighway (SSH), Manila South Diversion Road (MSDR), at Manila South Expressway (MSEX), ay isang pinag-ugnay na dalawang mabilisang daanan (expressway) na nag-uugnay ng Kalakhang Maynila sa mga lalawigan sa rehiyon ng CALABARZON sa Pilipinas. Ang unang mabilisang daanan ay ang Metro Manila Skyway System, na magkasamang pinamamahalaan ng Skyway Operation and Management Corporation (SomCo) at Citra Metro Manila Tollways Corporation (CMMTC). Ang ikalawang mabilisang daanan, ang South Luzon Tollway o Alabang-Calamba-Sto.Tomas Expressway (ACTEx), ay magkasamang pinamamahalaan ng South Luzon Tollway Corporation, isang negosyo na magkasamang hinahawakan ng PNCC, at Citra group ng Indonesya na sinusuportahan ng SMC sa pamamagitan ng Manila Toll Expressway Systems, Inc. (MATES).

Ang mabilisang daanan ay isang bahagi ng Expressway 2 (E2) ng sistema ng mabilisang daanan sa Pilipinas at Daang Radyal Blg. 3 (R-3) ng sistemang arteryal ng mga lansangan ng Maynila. Nagsisimula ito sa distrito ng Paco sa Maynila sa Abenida Quirino, at pagkatapos ay dadaan ito sa mga sumusunod na lungsod at bayan: Makati, Pasay, Taguig, Parañaque, at Muntinlupa sa Kalakhang Maynila; San Pedro at Biñan sa Laguna; Carmona sa Kabite; at dadaan muli sa Biñan, Santa Rosa, Cabuyao, at Calamba sa Laguna. Nagtatapos ito sa Santo Tomas, Batangas. Ang malaking bahagi ng mabilisang daanan ay bahagi ng N1 (AH26) mula Palitan ng Magallanes hanggang Labasan ng Calamba (Exit 50).

Noong 2006, isinailaim ang bahaging South Luzon Tollway sa isang pagsasaayos sa ilalim ng SLEX Upgrading and Rehabilitation Project, na nagsasaayos at nagpapalawak ng Biyadukto ng Alabang gayundin ang daan mula Alabang hanggang Calamba, at kalaunan inuugnay ang mabilisang daanan sa Southern Tagalog Arterial Road sa Santo Tomas.

1. ↑ REPUBLIC ACT NO. 6760. Chan Robles Virtual Law Library. Accessed March 2009.
2. ↑ REPUBLIC ACT NO. 7625. Chan Robles Virtual Law Library. Accessed March 2009.