Teleponong selular

Wala pong sangguniang sinipi o isinaad sa artikulo na ito. (Marso 2023) Tulungang mapabuti po ito sa pamamagitan ng pagdagdag ng mga pagsipi sa mga sangguniang mapagkakatiwalaan. Tandaan lamang po na maaari pong mapagdudahan at matanggal ang mga hindi beripikadong nilalaman.

Ang teleponong selular (Kastila: teléfono celular, teléfono móvil; Inggles: cellular phone o mobile phone), selpon (mula sa Ingles na cellphone) o selepono, ay isang uri ng teleponong walang kawad na gumagamit ng mga sityong selular (Ingles: cell site) para sa pakikipagtalastasan. Maaaring gamitin ang teleponong selular sa isang malawak na kalawakan, hindi katulad ng mga tradisyonal na teleponong walang kawad, na mas limitado ang sakop ng senyales nito.

Dagdag pa sa tradisyonal na pagtawag, marami ring serbisyo ang sinusuportahan ng mga teleponong selular, tulad ng mabilisang pagmemensahe (text messaging), elektronikong liham, paggamit ng Internet, atbp. Bawat teleponong selular ay mayroon kaukulang numero na nanggagaling sa tapagbigay ng network upang ito ay makontak. Bagama't karaniwang hindi napipili ang mga numero, sa ilang bansa at serbisyong selular ay may opsyon na pumili ng numerong nais o madaling kabisaduhin na tinatawag na vanity number.

Ito ay inimbento nina John F. Mitchell at Martin Cooper ng kompanyang Motorola noong 1973.