Abu Talha al-Ansoriy

Abu Talha Zayd ibn Sahl ibn al-Asvad ibn Haram al-Xazrajiy (arabcha: أبو طلحة زيد بن سهل الأنصاري) — paygʻambar Muhammadning mashhur sahobasi va madinalik ansorlardan („Yordamchilar“) biri^[1]. Hijratdan keyin ansorlar nomi bilan tanilgan Banu Xazraj qabilasiga mansub boʻlgan. Asosan islom dinining avvalgi davrida mard jangchi va mohir kamonchi sifatida tanilgan. Abu Talha Muhammad alayhissalomning chavandozi edi^[2] va Aqabada bayʼat berayotganda, Badr, Uhud va Xandaq janglarida Muhammadning yonida boʻlgan^[3].

654-yili (hijriy 34-yil) Madinada 70 yoshida vafot etdi. Undan rivoyat qilganlar: Anas ibn Molik, Ibn Abbos, Abdurahmon ibn Abdulqoriy, Abdulloh ibn Abu Talha va Ishoq ibn Abdulloh ibn Abu Talha^[4].

Shuayb Arnavutiy Abu Talhaning jang maydonidagi jasoratini alohida taʼkidlagan, bu haqda Anas ibn Molik rivoyat qilgan. Abu Talha Muhammad davridagi bir jangda yolgʻiz oʻzi yigirmata dushmanni oʻldirishga muvaffaq boʻlgan^[5].

1. ↑ Encyclopaedia Islamica
2. ↑ Thiqat Ibn Ḥibbān, volume 3
3. ↑ Ibn Saʿd, al-Ṭabaqāt al-Kubrá, 3
4. ↑ al-Dhahabi, Siyar Aʼlam al-Nubalaʼ, 2:27
5. ↑ Nasir Khalif. „أبو طلحة الأنصاري“ (Arabic). Mawdoo (2019). — „Anas bin Malik - may God be pleased with him - narrated on the authority of the Messenger of God - may God’s prayers and peace be upon him - that he said: “Whoever kills an infidel has his plunder, so Abu Talha killed twenty men on that day and took their loots.”“. Qaraldi: 2021-yil 10-dekabr.