Qualcomm Snapdragon

Snapdragon l'è na fameja de çircuiti eletroniçi integrai (o sia system-on-a-chip) prodoti da Qualcomm, che la njien considerada na "piataforma" che la se pol doparar par far anbienti mobili so dispoxidivi smartphone, tablet e smartbook.

El core del proçesadore Snapdragon, sopranominà Scorpion, l'è sta projetà senpre da Qualcomm. El ga tante carateristeghe caxi conpagne al architetura ARM de tipo Cortex-A8 e l'è baxà sol set de istrusion de l'ARM v7, ma in teoria el ga na potensa pì granda par chel che rivarda le operasion SIMD par aplicasion multimediali.^[1]

Tuti cuanti i proçesadori Snapdragon i ga na çircuiteria che se neçesita par decodifegare i video a alta definision (HD) a la risolusion de 720p o 1080p a segonda del chipset Snapdragon doparà.^[2] Adreno, che la xe la tecnoloxia de GPU de proprietà de l'axienda, la xe integrada inte i chipset Snapdragon (e in altri chipset de Qualcomm) che l'è interamente projetada da Qualcomm, doparando i asset che l'axienda la ga cronprà da AMD.^[3]

I primi SoC de la famiglia Snapdragon i xe stai el QSD8650 e el QSD8250 (System-on-a-Chip), disponìbiłi dal cuarto trimestre del 2008, tuti e do fati da on proçesadore da 1 GHz, on modem par telefoni e on GPS integrai. Inte el 2010, la fameja Snapdragon la xe sta xlargada par includare la seriie MSM (Mobile Station Modem) e APQ (Application Processor Qualcomm).

1. ↑ (EN) Qualcomm Reveals Details on Scorpion Corebdti.com, 14 novembre 2007. entrada il 23 novembre 2011.
2. ↑ (EN) Snapdragon - Technical Features, Qualcomm. entrada il 29 dicembre 2009 (archivià dal URL orizenałe l'8 aprile 2012 Il valore del parametro dataarchivio non combacia con la data decodificata dall'URL: 8 de aprile 2012 (juto)).
3. ↑ (EN) Qualcomm Acquires Handheld Graphics and Multimedia Assets from AMD, Qualcomm, 20 gennaio 2009. entrada il 23 novembre 2011.