Par serte teorie, Tridentum, ła sità de Trento de deso, ła se gavarìa zviłupà so un presedente insediamento rètego inte el fondo de ła vałe. E A ze proàbiłe che ghe sia on antigo castełier rètego sol Doss Trento, che el ze on pìcoło montezeło che oncora ancó el dòmena ła sità, fursi anca doparà da i Romani drioman de ła concuista, par uno de i primi nucrei urbani de ła sità. A ze rajonévołe retenjer che ła Vałe de l'Àdeze, granda via de comunegasion dal nord al sud de primaria inportansa, ła gapia favorìo on mucio de scanbi culturałi co altre popołasion pre-romane, cofà i Veneti, i Etruschi e i Gałi.