Arroundissement Gent

't Arroundissement Gent is 't grotste van de zes arroundissement'n van de provinsje Ôost-Vloandern in België. 't Arroundissement hèt een ippervlakte van 943,62 km² en telde 578.015 inweuners ip 1 januoari 2024. Den hoofdstad dervan is Gent, ook hoofdstad van de provinsje Ôost-Vloandern. 't Arroundissement Gent ountstound in 1800 en was 't êerste arroundissement in 't Scheldedepartement.

't Arroundissement was tout 2014 zowel een administratief of e gerechtelik arroundissement. 't Gerechtelik arroundissement Gent bevatte ook al de gemêent'n in 't administratief arroundissement Eeklo. In 2014 is 't gerechtelik arroundissement Gent ipgegoan in 't gerechteliik arroundissement Ôost-Vloandern.

Ip 1 januoari 2019 ountstound'n ênigte nieuwe fusiegemeent'n. Knesseloare wierd by Aalter gevoegd, Nevele by Deinze en Woarschoot, Lovendegem en Zomergem vormdegn t'hope Lievegem. Azo verminderde 't antal gemeent'n in 't arroundissement van 21 noa 17.

Ip 1 januoari 2025 kwamt er in België e twèede golve van gemêentefusies, woarby da 't antal gemêent'n verder verminderd wierd van 17 noa 13.

De veranderingn zyn:

• Wachtebeke wordt t'hopegevoegd mè Lochristi.
• Merelbeke en Melle vormn t'hope de nieuwe fusiegemêente Merelbeke-Melle.
• Nazareth en De Pinte word'n de fusiegemêente Nazareth-De Pinte.
• Moerbeke-Woas wordt g'integreerd in Lokern. Moerbeke-Woas verhuyst dus van 't arroundissement Gent noa 't arroundissement Sint-Nikloas, woar da Lokern al dêel van uytmakt.